बातम्या

पोलीस अधिकाऱ्याने पोलीस स्थानकातच स्वतःवर गोळी झाडून आत्महत्या,. पोलीस दलात खळबळ

By nisha patil - 2/20/2024 7:39:08 PM
Share This News:

नाशिकमधील अंबड पोलीस  स्थानकात पोलीस निरीक्षकाने स्वतःच्या रिव्हॉलवरमधून गोळी झाडून घेऊन आत्महत्या केल्याने नाशिकसह पोलीस दलात खळबळ माजली आहे. अंबड पोलीस स्थानकामध्येच सहाय्यक पोलीस निरीक्षकाने डोक्यात गोळी झाडून आत्महत्या केल्याने अनेकांना धक्का बसला आहे. 
 

सहायक पोलीस निरीक्षक अशोक नजन यांनी आज मंगळवारी सकाळी दहा वाजता नाशिक शहरातील अंबड पोलीस स्थानकामध्ये आपल्या स्वतःच्या पिस्तुलमधून डोक्यात गोळी झाडून आत्महत्या केली आहे मात्र त्यामागील अद्याप कारण समजू शकले नाही.
 

अशोक नजन यांच्या आत्महत्येचं कारण अद्याप समोर आलं नसलं तरी, कौटुंबीक ताणतणावाच्या कारणामुळेच त्यांनी हे टोकाचं पाऊल उचललं असण्याची शक्यता वर्तवण्यात येत आहे. अशोक नजन सकाळी लवकरच ते पोलीस स्थानकात आले होते, मात्र बराच वेळ झाला तरी ते बाहेर आले नव्हते, त्यानंतर काही वेळातच त्यांनी गोळी झाडल्याचा आवाज आला. त्यानंत त्यांच्या सहकाऱ्यांनी त्यांच्या खोलीत जाऊन पाहिल्यानंतर त्यांनी स्वतःवर गोळी झाडून आत्महत्या केल्याची घटना उघडकीस आली.

अशोक नजन यांनी स्वतःवर गोळी झाडून आत्महत्या केल्याची घटना घडल्याचे कळताच वरिष्ठ अधिकाऱ्यांनी अंबड पोलीस स्थानकाकडे धाव घेतली. याबाबत कोणत्याही अधिकाऱ्याने अद्याप प्रतिक्रिया व्यक्त केली नाही. मात्र त्यांच्या सहकाऱ्यांनी सांगितले की, आदल्या दिवशी ते रात्री उशिरापर्यंत बंदोबस्तानंतर ते घरी परतले होते.