बातम्या

ऊस उत्पादनासाठी एआय तंत्रज्ञान आवश्यक – श्रीमती सुहासिनीदेवी घाटगे

By nisha patil - 10/4/2025 2:47:15 PM
Share This News:

ऊस उत्पादनासाठी एआय तंत्रज्ञान आवश्यक – श्रीमती सुहासिनीदेवी घाटगे

कागल (प्रतिनिधी) –पारंपरिक पद्धतीने ऊस शेती करून अपेक्षित उत्पादन वाढत नाही. आधुनिक एआय (Artificial Intelligence) तंत्रज्ञानाच्या वापरामुळे उसाच्या उत्पादनात ५०% वाढ होत असल्याचे सिद्ध झाले आहे. त्यामुळे ऊस उत्पादन वाढीसाठी एआयचा वापर अपरिहार्य असल्याचे मत श्री छत्रपती शाहू सहकारी साखर कारखान्याच्या अध्यक्षा व राज्य साखर संघाच्या संचालिका श्रीमती सुहासिनीदेवी घाटगे यांनी व्यक्त केले.

शाहू साखर कारखान्याच्या ऊस विकास योजनेंतर्गत सभासद शेतकऱ्यांना अनुदान चेकचे वाटप करण्यात आले. यावेळी सुरुवातीला राजर्षी शाहू महाराज व दिवंगत संस्थापक विक्रमसिंहराजे घाटगे यांच्या प्रतिमेस अभिवादन करण्यात आले. कार्यक्रमाला व्हाईस चेअरमन अमरसिंह घोरपडे, संचालक सचिन मगदूम व शिवाजीराव पाटील उपस्थित होते. शेती अधिकारी दिलीप जाधव यांनी स्वागत केले, तर कार्यकारी संचालक जितेंद्र चव्हाण यांनी प्रास्ताविक केले.

ऊस पिक परिसंवादाचा फायदा – घाटगे यांचे प्रतिपादन
स्व. राजेसाहेबांनी सुरू केलेल्या ऊस परिसंवाद योजनांमध्ये सहभागी होऊन शेतकऱ्यांना आधुनिक तंत्रज्ञान समजले आणि ऊस उत्पादनात वाढ झाली, असे श्रीमती घाटगे यांनी सांगितले.