ग्रामीण

पानलाईन व बाजारगेट परिसरातील अनधिकृत छपऱ्यांवर कारवाई

By nisha patil - 1/15/2025 8:56:36 PM
Share This News:

पानलाईन व बाजारगेट परिसरातील अनधिकृत छपऱ्यांवर कारवाई

 महापालिकेच्या अतिक्रमण विभाग व विभागीय कार्यालय क्र.2 मार्फत आज पापाची तिकटी पानलाईन व बाजारगेट परिसरातील दुकाना बाहेर काढलेल्या अनधिकृत 71 छपऱ्यांवर कारवाई करण्यात आली. यावेळी या ठिकाणी 1 हातगाडीही जप्त करण्यात आली.  हि कारवाई 1 जेसीबी, 2 डंपर व 25 कर्मचाऱ्यांच्या सहाय्याने करण्यात आली. सदरची कारवाई सकाळी 10 वाजले पासून संध्याकाळी 5 वाजेपर्यंत सुरु होती.

सदरची कारवाई प्रशासक के. मंजूलक्ष्मी व अतिरिक्त आयुक्त राहुल रोकडे यांच्या आदेशानुसार, शहर अभियंता नेत्रदीप सरनोबत यांच्या मार्गदर्शनाखाली अतिक्रमण अधिक्षक विलास साळोखे, सहा.अधिक्षक प्रफुल कांबळे, कनिष्ठ लिपिक सजन नागलोत, मुकादम रविंद्र कांबळे, शरद कांबळे, अतिक्रमण व पवडी विभागाच्या कर्मचाऱ्यांमार्फत करण्यात आली.