बातम्या

आणि विराट जडेजावर भडकला

By nisha patil - 3/23/2024 10:21:43 PM
Share This News:

आयपीएलच्या पहिल्या सामन्यात विराट कोहलीने एकिकडे मोठा विक्रम केला. पण त्याचबरोबर कोहलीने आयपीएलच्या पहिल्याच सामन्यात पंगा घेतल्याचे पाहायला मिळाले. या पहिल्या सामन्यात चेन्नईच्या रवींद्र जडेजावर चांगलाच भडकला. कोहलीचा हा व्हिडिओ क्रिकेट विश्वात चांगलाच व्हायरल झाला आहे.ही गोष्ट घडली जेव्हा विराट कोहली आणि कॅमेरून ग्रीन हे फलंदाजी करत होते. आरसीबीने यापूर्वी फॅफ ड्यु प्लेसिस, रजत पाटीदार आणि ग्लेन मॅक्सवेलसारखे दमदार खेळाडू गमावले होते. यावेळी मॅक्सवेल आणि पाटीदार यांना भोपळाही फोडता आला नाही.

त्यामुळे कोहली आणि ग्रीन हे आरसीबीचा डाव सावरत होते. ही जोडी आता मोठी धावसंख्या उभारेल, असे वाटत होते. पण त्याचवेळी कोहली आणि जडेजा यांच्यातील पंगा मैदानात पाहायला मिळाला.ही गोष्ट घडली त्यावेळी ग्रीन फलंदाजीला होता, तर कोहली हा नॉन स्ट्राइकला उभा होता. चेन्नईला यावेळी विकेट्सची गरज होती. त्यामुळे जडेजाला गोलंदाजीसाठी आणले होते. जडेजा हा कमी रन अपमध्ये गोलंदाजी करतो, त्यामुळे संघाला वेळ वाचवता येतो. जडेजा सर्वात कमी वेळात आपले षटक पूर्ण करत असल्याचे सर्वांनाच माहिती आहे. जडेजा यावेळीही तीच गोष्ट करत होता. जडेजाने ग्रीनला चेंडू टाकला. त्यावर धाव आली नाही. त्यानंतर जडेजा लगेच दुसरा चेंडू टाकण्यासाठी सज्ज होत होता, पण ग्रीन मात्र खेळायला तयार नव्हता.

त्यावेळी कोहली जडेजावर भडकल्याचे पाहायला मिळाले. कोहलीने यावेळी जडेजाला गोलंदाजी करण्यापासून थांबले आणि रागात म्हणाला, " ग्रीनला श्वास घ्यायला तरी वेळ देत, असे एकामागून एक चेंडू तु टाकशील का..." कोहलीचा हा अवतार पाहून जडेजा चांगलाच घाबरला होता. त्यामुळे त्याने कोहलीला उत्तर दिले नाही.कोहली हा एक आक्रमक खेळाडू असल्याचे सर्वांना माहिती आहे. कोहलीचा आक्रमकपणा यापूर्वीही सर्वांनी पाहिला आहे. या आयपीएलच्या पहिल्याच सामन्यात कोहलीने चक्क रवींद्र जडेजाशी पंगा घेतल्याचे यावेळी सर्वांना पाहायला मिळाले.