बातम्या

कुंभोज छत्रपती शिवाजी महाराज नगरातील अंगणवाडी इमारतीची अज्ञाताने केली दुरावस्था

By nisha patil - 6/30/2023 11:14:35 PM
Share This News:

कुंभोज प्रतिनिधी( विनोद शिंगे)  कुंभोज तालुका हातकणंगले येथे छत्रपती शिवाजी महाराज नगरात असणाऱ्या अंगणवाडी क्रमांक 167 मध्ये अज्ञात व्यक्तीने सदर शाळेवरती मोठ्या प्रमाणात चिखल फेक केली असून सदर इमारत पूर्णपणे चिखलाने फेकल्याचे चित्र दिसत आहे. तसेच सदर इमारतीच्या खिडकीच्या काचा फोडण्यात आले आहेत,या घटनेमुळे परिसरात तणावाचे वातावरण पसरले असून सदर कृत करणाऱ्या अज्ञातावर गुन्हा दाखल करून त्याच्यावर कडख कारवाई करण्यात यावी अशी मागणी संबंधित अंगणवाडी पालक वर्गाने केली आहे. छत्रपती शिवाजी महाराज पुतळा शेजारी असणाऱ्या सदर अंगणवाडीचे रंगरंगोटी नुकतेच शासकीय नियमाप्रमाणे करण्यात आली होती,
          सदर अंगणवाडीला एक आगळे व वेगळे रूपप्राप्त झाले होते,कोणी अज्ञात व्यक्तीने रात्री सदर अंगणवाडीच्या बोलक्या भिंतीवर दरवाजावरती मोठ्या प्रमाणात चिखल फेकून सदर भिंत व दरवाजा पूर्णपणे घाण केल्याचे चित्र दिसत होते. त्याच पद्धतीने सदर अंगणवाडी परिसरात बसणाऱ्या युवकांनी अंगणवाडीच्या दारातच गुटखा मावा दारूचा अड्डा तयार केला असून अंगणवाडीच्या शेजारी सरपंचांचे घर असल्याने सरपंचांनी यावर नियंत्रण आणणे गरजेचे असल्याचे मत उपस्थित नागरिकांत बोलले जात होते. परिणामी अंगणवाडी आवारात दारू गुटखा खाऊन शाळेच्या दरवाज्यावर मारलेल्या पिचकारी पाहून. खऱ्या अर्थाने ही शिक्षणमहषी कर्मवीर भाऊराव पाटील यांचे कुंभोज गाव आहे का याचा किंचित विचार सर्वसामान्य पालक वर्गाच्या मनामध्ये घर करत आहे.
     परिणामी डॉक्टर कर्मवीर भाऊराव पाटलांच्या जन्मभूमीत शिक्षणाची ही अवस्था असल्याने सदर गोष्टीकडे ग्रामपंचायत व शासकीय यंत्रणा कधी लक्ष देणार अशी चर्चा ग्रामस्थातून सध्या जोर धरत असून कुंभोज परिसरात अनेक असणाऱ्या शाळा परिसरात सध्या गुटखा मोकळ्या दारूच्या बाटल्या व गुटख्याच्या पिच्कार्‍यांचे साम्राज्य पसरल्याचे चित्र दिसत आहे .तर अनेक शाळेचा रात्री गैरवापर होत असल्याचेही आढळून आले आहे. यावरती वेळीच नियंत्रण आणणे गरजेचे आहे अन्यथा  शाळेच्या इमारती दारूचा अड्डा झाल्याशिवाय राहणार नाहीत अशी चर्चा नागरिकांत जोर धरत आहे.