बातम्या

पावसाळ्यात सर्दी, ताप, खोकला होतोय? मग वेळीच करा 'हे' घरगुती उपाय

By nisha patil - 2/7/2023 7:29:23 AM
Share This News:

पावसाळा येताना अनेक आजारांना घेऊन येतो, असं जर कोणी म्हटलं तर ते वावग ठरणार नाही. यामध्ये सर्दी, खोकला ताप यांसारखे आजार होतातच.

पावसाच्या पाण्यात भिजल्याने नागरिकांना ताप, सर्दी होते, त्याचबरोबर एकाला झालं की मग हे संक्रमण घरतल्या सगळ्यांनाच होते. सर्दी, खोकला झाला की आपण लगेचच औषधांचा मारा सुरु करतो. यामुळे वेदना तर कमी होतात पण असं सतत औषधी घेणं आरोग्याच्या दृष्टीने कठीण असतं. जर या पावसाळी सर्दी-खोकल्याने हैराण असाल तर सगळ्यात आधी काही घरगुती उपाय नक्की करुन पाहा. हे उपाय नक्कीच तुमच्यावर प्रभावी ठरतील.

पावसाळ्यात असे अन्न खा

पावसाळ्याच्या दिवसात बाहेरचे अन्न खाणे टाळावे. अशा अन्नामुळे व्हायरल इन्फेक्शनचा धोका वाढू शकतो.
घरी बनवलेले पदार्थ खा.
जास्त वेळ ठेवलेले पाणी पिऊ नका. तसेच फ्रीजमधून काढलेले पाणी पिऊ नका.
अन्नधान्य, फळे, भाजीपाला उघड्यावर ठेवू नका.
व्हिटॅमिन-सी असलेली लिंबूवर्गीय फळे तुमची प्रतिकारशक्ती वाढवण्यास मदत करतात. त्यामुळे अशा पदार्थांचा आहारात समावेश करा.
वाचा: आरोग्यासाठी खजिना आहेत शेवग्याच्या शेंगा, कधी औषध घेण्याची गरज पडणार नाही!

कच्चा आणि शिजवलेला अन्नाची काळजी घ्या

आजकाल कच्चे अन्न खाण्याचे महत्त्व वाढले आहे. ते आरोग्यासाठी चांगले असतात म्हणून अनेकजण कच्चे पदार्थ खातात. मात्र, याबाबत दक्षता घेण्याची गरज आहे.
धूळ, माती आणि जंतू यांच्या संपर्कात येणारी फळे, भाजीपाला इत्यादी जास्त हानिकारक असतात. त्यांना व्यवस्थित स्वच्छ करा.
अन्न साठवताना शिजलेले पदार्थ आणि कच्चे अन्न वेगवेगळे साठवा.
जर तुम्हाला सर्व काही एकाच फ्रीजमध्ये ठेवायचे असेल तर ते वेगवेगळ्या रॅकमध्ये ठेवण्याचा प्रयत्न करा आणि तळलेले अन्न नेहमी झाकून ठेवा.
मांस, मांसे किंवा कोणतेही मांसाहार कच्चे खाल्ल्यास ते वेगळे ठेवा आणि व्यवस्थित झाकून ठेवा. कारण त्यात प्राणी जास्त आहेत.
पावसाळ्यात अशी घ्या स्वत:ची काळजी

1. पावसाळ्यात हळदीचे दूध नियमित पिणे फायदेशीर ठरते. हळद गरम असते. तसेच हळदीमध्ये प्रतिजैविक गुणधर्म असतात. पावसाळ्यात रोज रात्री झोपण्यापूर्वी हळदीचे दूध प्या. यामुळे सर्दी, खोकला आणि व्हायरल फ्लूपासून बचाव होईल.

2. बदलत्या हवामानात, विशेषतः पावसाळ्यात, आपल्या शरीराची रोगप्रतिकारक शक्ती कमी होते. पावसाळ्यात चवनप्राशचे सेवन करावे. चवनप्राश हे आयुर्वेदातील योग्य औषध आहे, जे तुम्हाला संसर्गापासून वाचवते. रोज रात्री दुधासोबत चवनप्राश खा. याचा फायदा आरोग्याला नक्कीच होईल.

3. पावसाळ्यात सर्दीसारखा आजार झाल्यास कोमट पाण्याची वाफ घेणे हा उत्तम घरगुती उपाय आहे. वाफ घेतल्याने बंद नाक उघडेल. याशिवाय नाक आणि घशाची सूज कमी होण्यास मदत होईल. वाफ घेतल्यास खोकल्यापासून आराम मिळेल.

4. पावसाळ्यामुळे सर्दी झाल्यास किंवा घसा दुखत असल्यास लवंगाचे सेवन करा. शक्य असल्यास लवंग बारीक करून त्यात मध मिसळून दिवसातून दोन ते तीन वेळा खावे. यामुळे खोकल्यापासून आराम मिळेल.

5. घशात कोणत्याही प्रकारचा संसर्ग झाल्यास तुळशीचे सेवन करावे. तुळशीचा काढा बनवून पिऊ शकता. तुळशीचा चहा सर्दी आणि हिवाळ्याच्या समस्यांपासून खूप आराम देतो. तुळशीची पाने आणि आलं मिसळून चहा बनवा.