बातम्या

खोचीत लोकार्पण सोहळा संपन्न, 5 लाख रुपयांचा निधी मंजूर

By nisha patil - 11/1/2025 2:48:04 PM
Share This News:

खोचीत लोकार्पण सोहळा संपन्न, 5 लाख रुपयांचा निधी मंजूर

आ. अशोकराव माने यांच्या हस्ते खोची विकास कामांचे उद्घाटन, ग्रामस्थांचा उत्स्फूर्त प्रतिसाद

डॉ. विनय कोरे आणि आ. अशोकराव माने यांच्या प्रयत्नातून खोची गावाला विकास निधीचा लाभ

 "हातकणंगले तालुक्यातील खोची गावाच्या विकासासाठी जनसुराज्य शक्ती पक्षाचे संस्थापक आणि माजी मंत्री डॉ. विनयरावजी कोरे तसेच हातकणंगलेचे आमदार डॉ. अशोकराव माने यांच्या विशेष प्रयत्नांतून 2515 योजनेअंतर्गत 5 लाख रुपयांचा निधी मंजूर करण्यात आला आहे. या विकास कामांचा लोकार्पण सोहळा आमदार अशोकराव माने यांच्या हस्ते करण्यात आला.

 हातकणंगले तालुक्यातील खोची गावच्या विकासासाठी 2515 योजनेअंतर्गत जन सराज्य शक्ती पक्षाचे आ.विनय कोरे व आमदार अशोकराव माने यांच्या विशेष प्रयत्नतून पाच लाख रुपयांचा निधी मंजूर करण्यात आला.या निधीतून करण्यात आलेल्या विकास कामांचा लोकार्पण सोहळा नुकताच आमदार डॉ. अशोकराव माने यांच्या हस्ते आणि लोकनियुक्त सरपंच सौ. रोहिणी पाटील यांच्या अध्यक्षतेखाली मोठ्या उत्साहात पार पडला.
 

या सोहळ्यात वारणा दूध संघाचे संचालक दीपक पाटील, माजी पंचायत समिती सदस्य वसंतराव गुरव, भाजप तालुकाध्यक्ष अमरसिंह पाटील, आणि माजी उपसरपंच सुहास गुरव यांच्यासह अनेक मान्यवर उपस्थित होते. गावातील प्रतिष्ठित नागरिक, महिला भगिनी आणि ग्रामस्थ मोठ्या संख्येने या कार्यक्रमात सहभागी झाले होते, ज्यामुळे हा कार्यक्रम अधिकच यशस्वी झाला."