शैक्षणिक

विवेकानंद कॉलेजमध्ये उद्योजकता या विषयावर व्याख्यान संपन्न

By nisha patil - 2/25/2025 4:54:21 PM
Share This News:

विवेकानंद कॉलेजमध्ये उद्योजकता या विषयावर व्याख्यान संपन्न

 कोल्हापूर: 25 : जगाच्या अर्थव्यवस्थेमध्ये आपल्या देशाचा विकासाचा वाटा मोठा करायचा असेल तर देशातील युवा पिढीने नोकरी शोधणारे नाही तर विविध प्रकारच्या नवनवीन संकल्पांचा वापर करुन नवीन उद्योगांची उभारणी करणे गरजेचे आहे. शासन Start up India, Venture Capital, India Seed Fund Scheme याच्या माध्यमातून नवीन उद्योगांना बळ देण्याचे काम करीत आहे.

  कार्यक्रमा दरम्यान प्रमुख पाहुण्यांनी विद्यार्थ्यांची Creativity Test  घेऊन विद्यार्थ्यांच्या गुणवत्तेची चाचणी घेतली.  कोल्हापूर मधील SIBIC  या संस्थेच्या माध्यमातून  नवीन Start up ना मार्गदर्शन केले जाते. असे प्रतिपादन मा. सुर्यकांत दोडभिसे, मुख्य कार्यकारी अधिकारी, SIBIC  कोल्हापूर यांनी केले. कार्यक्रमाचे आयोजन महाविद्यालयाचे प्राचार्य डॉ.आर.आर.कुंभार यांच्या मार्गदर्शनाखाली IQAC व  कॉमर्स विभाग, उद्योजकता विकास कक्ष यांच्या संयुक्त विद्यमाने करण्यात आले होते.

कार्यक्रमाची सुरुवात शिक्षणमहर्षी डॉ.बापूजी साळुंखे रचित  संस्था प्रार्थनेने झाली.  कार्यक्रमाचे प्रास्ताविक व स्वागत डॉ.ए.एल.मोहिते यांनी केले. तर आभार डॉ. राजश्री पाटील यांनी मानले. या कार्यक्रमास अंतर्गत गुणवत्ता हमी कक्ष प्रमुख डॉ. श्रुती जोशी, प्रा.सनी काळे, प्रा.आर.आर.माने, प्राध्यापक, विद्यार्थी, विद्यार्थिनी बहुसंख्येने उपस्थित होते.