बातम्या

रोज सकाळी 11 वाजता करा हे एक काम

By nisha patil - 1/30/2024 7:31:49 AM
Share This News:

डिसेंबर आणि जानेवारीत थंडी वाढल्यानंतर आता सूर्यप्रकाश देखील पडू लागला आहे. आता सूर्यदेवाचे दर्शन होत आहेत. थंडीत सूर्यप्रकाश पाहताच लोकांच्या चेहऱ्यावर आनंद दिसू लागतो.

हिवाळ्यात सूर्यप्रकाश नसल्यामुळे शरीरात व्हिटॅमिन डीची कमतरता सुरू होते. त्यामुळे सांधेदुखी, अंगदुखी, नैराश्य, चिडचिडेपणा आणि प्रतिकारशक्ती कमकुवत होते. दररोज सकाळी 11 वाजता तुम्ही सूर्यप्रकाशात फक्त अर्धा तास बसा. यामुळे व्हिटॅमिन डी मिळेल आणि तुमच्या शरीरातील सर्व वेदना आणि रोग नाहीसे होतील. व्हिटॅमिन डी रोगप्रतिकार शक्ती मजबूत करते. त्यामुळे शरीर कोणत्याही संसर्गाशी लढण्यासाठी तयार राहते.

सूर्यप्रकाशात घालवा अर्धा तास

सूर्य हा व्हिटॅमिन डीचा सर्वोत्तम स्त्रोत आहे. दररोज सकाळी सुमारे अर्धा तास सूर्यप्रकाशात बसणे आवश्यक आहे. यामुळे शरीराला व्हिटॅमिन डी मिळतो. व्हिटॅमिन डी फक्त सूर्यप्रकाशापासून सकाळी 11 किंवा 11.30 पर्यंत उपलब्ध आहे. जसजसा सूर्यप्रकाश मजबूत होतो, हानिकारक अतिनील किरणांमुळे शरीराला फायद्यापेक्षा जास्त नुकसान होऊ लागते. म्हणूनच फक्त 11 वाजेपर्यंतचा सूर्यप्रकाश व्हिटॅमिन डीसाठी चांगला मानला जातो.

कमीत कमी कपडे घाला

सूर्यप्रकाशापासून व्हिटॅमिन डी मिळविण्यासाठी, कमीत कमी कपडे घालून उन्हात बसावे. आपले हात, पाय आणि शरीराची त्वचा शक्य तितक्या सूर्यप्रकाशात असावी. मात्र, सध्या थंडी इतकी आहे की कपड्यांशिवाय उन्हात बसणे अशक्य आहे. अशा परिस्थितीत तुम्ही फक्त कपड्यांचे थर कमी करा आणि जेव्हा चांगला सूर्यप्रकाश असेल तेव्हा कपड्यांमधून शक्य तितके हात आणि पाय बाहेर काढा.

व्हिटामिन डी आजारांपासून ठेवते दूर

शरीर निरोगी ठेवण्यासाठी व्हिटॅमिन डी खूप महत्त्वाचे आहे. व्हिटॅमिन डीमुळे हाडे मजबूत होतात. लहान मुले आणि वृद्ध लोकांमध्ये व्हिटॅमिन डी कमी होऊ लागते. वाढत्या मुलांच्या योग्य विकासासाठी आणि त्यांची हाडे मजबूत करण्यासाठी त्यांना दररोज सूर्यप्रकाशात घेऊन जावे. यामुळे मुलांची रोगप्रतिकारशक्ती मजबूत होते. वृद्धांनी दररोज व्हिटॅमिन डी घेणे महत्वाचे आहे. यामुळे हाडे फ्रॅक्चर, शरीर दुखणे, पाठदुखी आणि इतर आजार कमी होऊ शकतात.