बातम्या

पत्नीच्या चारित्र्यावर संशय; पतीने संपवली बायकोसह आख्खी सासुरवाडी

By nisha patil - 12/21/2023 1:26:30 PM
Share This News:

पत्नीच्या चारित्र्यावर संशय; पतीने संपवली बायकोसह आख्खी सासुरवाडी

यवतमाळ : राज्यात हत्येच्या घटनांसाठी सतत चर्चेत राहणाऱ्या यवतमाळ जिल्ह्यातील कळंबमधील तिरझडा पारधी बेड्यावर रक्तरंजित घटना घडली. घरघुती वादातून जावयाने सासरा, दोन मेहुणे आणि बायकोलाच संपवलं. या हल्ल्यात गंभीर जखमी झालेली सासू मात्र वाचली आहे. मंगळवारी रात्री घडलेल्या घटनेमुळे यवतमाळ जिल्हा संपूर्ण हादरून गेला आहे. पत्नीच्या चरित्राच्या संशयावरून ही घटना घडल्याचं स्पष्ट झालं असून पोलिसांनी आरोपी गोविंद विरचंद पवारला अटक केली आहे. 

जावयाने केलेल्या हल्ल्यात सासरा पंडित घोसले, मेहुणा ज्ञानेश्वर घोसले आणि  सुनील घोसले, बायको रेखा गोविंद पवार अशी मृतांची नवे आहेत. सासू रुखमा पंडित घोसले गंभीर जखमी असून त्यांच्यावर यवतमाळ जिल्हा शासकीय रुग्णालयात उपचार सुरु आहे
 

आरोपी गोविंद विरचंद पवार हा काही महिन्यांपूर्वी पत्नी रेखा सोबत सासुरवाडीत राहत होता. त्याला येथे सतत अपमानास्पद वागणूक मिळत असल्याचं बोललं जात आहे. यामुळेच दुखावलेल्या गोविंदने मंगळवारी मध्यरात्री संपूर्ण घरावरच सूड उगवला. तिरझडा गावात घरी झोपलेल्या पत्नी आणि मेहुण्याची हत्या केली. नंतर शेतात झोपलेल्या सासरा आणि दुसरा मेहुण्यावर हल्ला केला. यावेळी सासू थोडक्यात बचावली. मात्र तिची प्रकृती गंभीर आहे. हे हत्याकांड घडल्यानंतर संपूर्ण जिल्हा हादरला आहे.