बातम्या

डी. वाय. पी. अभियांत्रिकीच्या रायगड एआर-व्हीआर प्रकल्पाची शासनाकडून प्रशंसा

By nisha patil - 2/21/2025 5:43:53 PM
Share This News:

डी. वाय. पी. अभियांत्रिकीच्या रायगड एआर-व्हीआर प्रकल्पाची शासनाकडून प्रशंसा

कोल्हापूर – डी. वाय. पाटील अभियांत्रिकी महाविद्यालयाच्या आर्टिफिशियल इंटेलिजन्स आणि मशीन लर्निंग विभागातील विद्यार्थ्यांनी रायगड किल्ल्याचा ऑगमेंटेड रिअॅलिटी (एआर) आणि व्हर्च्युअल रिअॅलिटी (व्हीआर) तंत्रज्ञानाद्वारे साकारलेला प्रकल्प महाराष्ट्र शासनाने गौरवला आहे. राज्य पर्यटन विभागाचे मंत्री शंभूराज देसाई यांनी विद्यार्थ्यांच्या या अभिनव प्रयोगाला प्रशंसा पत्र देऊन सन्मानित केले.

व्हर्च्युअल रायगड – इतिहासाचा आधुनिक स्पर्श
विद्यार्थ्यांनी युनिटी हब आणि इमर्सिव्ह टेक्नॉलॉजीच्या साहाय्याने रायगड किल्ल्याची डिजिटल पुनर्रचना केली आहे. विकलांग आणि वृद्ध व्यक्तींसाठी व्हर्च्युअल टूरची सोय उपलब्ध करून देण्यात आली आहे, ज्यामुळे ते डिजिटल स्वरूपात किल्ल्याचा संपूर्ण अनुभव घेऊ शकतात.

विद्यार्थी आणि मार्गदर्शक शिक्षक:

• विद्यार्थी: राजवीर पृथ्वीराज देसाई, अनिरुद्ध अनिल घाटगे, प्रियांका प्रसाद उत्तुरे
• मार्गदर्शक: डॉ. तन्वी राहुल पाटील, विभागप्रमुख डॉ. सिद्धेश्वर विलास पाटील

संशोधन आणि पेटंट अर्ज:
या प्रकल्पासाठी पेटंट आणि कॉपीराइट अर्ज दाखल करण्यात आला आहे. तसेच, या संशोधनावर आधारित शोधनिबंध एप्रिलमध्ये होणाऱ्या आयईईई पुणेकॉन आंतरराष्ट्रीय परिषदेत सादर केला जाणार आहे.

संस्थेचा सन्मान आणि पुढील वाटचाल:
संस्थेचे अध्यक्ष डॉ. संजय डी. पाटील, उपाध्यक्ष आमदार सतेज डी. पाटील, विश्वस्त ऋतुराज संजय पाटील, कार्यकारी संचालक डॉ. ए. के. गुप्ता, प्राचार्य डॉ. एस. डी. चेडे आणि रजिस्ट्रार डॉ. एल. व्ही. मालदे यांनी विद्यार्थ्यांचे कौतुक करत त्यांना पुढील संशोधनासाठी शुभेच्छा दिल्या.