राजकीय

समरजीतसिंह घाटगे गटाला मोठा धक्का...

By nisha patil - 10/11/2024 6:24:23 PM
Share This News:

समरजीतसिंह घाटगे गटाला मोठा धक्का...

होतकरू तरुणांचा महाराष्ट्र नवनिर्माण सेनेत प्रवेश

समरजीतसिंह घाटगे गटातील महत्वाकांक्षी तरुणांनी मोठा निर्णय घेत महाराष्ट्र नवनिर्माण सेनेत (मनसे) जाहीर प्रवेश केला आहे. शिवराज पालकर, चेतन पाटील, दीपक पाटील, प्रणव कुंभार, सागर कुंभार, भूषण कुंभार, यश पाटील, आणि विष्णू वडर या तरुणांनी रोहन निर्मळ यांच्या नेतृत्वावर विश्वास ठेवत हा निर्णय घेतला आहे. यामुळे घाटगे गटाला मोठा धक्का बसला आहे.

प्रवेश कार्यक्रमात मनसेचे स्थानिक नेते आणि प्रमुख मान्यवर उपस्थित होते. या तरुणांचा मनसेमध्ये प्रवेशामुळे स्थानिक राजकारणात मोठी उलथापालथ होण्याची शक्यता आहे. मनसेच्या स्थानिक संघटनेला नवी ऊर्जा आणि दिशादर्शन मिळणार असल्याचे मानले जात आहे.

प्रवेश केलेल्या तरुणांनी सांगितले की, रोहन निर्मळ यांच्या नेतृत्वाखाली मनसेच्या विविध उपक्रमांमध्ये काम करण्याची त्यांची तयारी आहे. स्थानिक समस्यांवर लक्ष केंद्रीत करत, या तरुणांनी सामाजिक आणि राजकीय स्तरावर सकारात्मक बदल घडविण्याचा निर्धार केला आहे.

समरजीत घाटगे यांच्या गटातील हे कार्यकर्ते महत्त्वाच्या निर्णयांवर आणि पुढील निवडणुकीच्या तयारीवर परिणाम करू शकतात. मनसेच्या या विस्तारामुळे स्थानिक पातळीवर राजकीय समीकरणे बदलण्याची शक्यता आहे.

यावेळी जिल्हाध्यक्ष नागेश चौगुले, तालुकाध्यक्ष विनायक आवळे, वैभव माळवे,शिवतेज विभुते, कमलेश रंगापुरे,सुशांत मोरे,राहुल पाटील, अमोल आवळे, शुभम माळी शुभम कुंभार,गणेश सुतार, संदीप यादव आदी उपस्थित होते...