विशेष बातम्या

चांगली झोप निरोगी आयुष्यासाठी आवश्यक!

By nisha patil - 5/31/2023 8:40:12 AM
Share This News:

चांगल्या आरोग्यासाठी जसं सकस आहार आवश्यक आहे, त्याचप्रमाणे गाढ झोपही खूप महत्त्वाची आहे. झोप न मिळाल्याने अनेक प्रकारच्या आजारांना सामोरे जावे लागते.

पूर्ण झोपेमुळे तुमचे अवयव व्यवस्थित काम करतात, मेंदूचे कार्य सुधारते आणि अनेक आजारांचा धोका कमी होतो.

रात्री झोपताना (Better Sleep) अनेकांना अनेक अडचणींचा सामना करावा लागतो.जेव्हा तुम्ही दिवसा खूप मेहनत करता, तेव्हा तुम्हाला रात्री खूप चांगली झोप लागते.पण असे अनेक लोक आहेत ज्यांना दिवसभर थकल्यानंतरही रात्री झोपण्यासाठी खूप संघर्ष करावा लागतो.अशा परिस्थितीत आज आम्ही तुम्हाला अशाच काही गोष्टींबद्दल सांगणार आहोत, जे खाल्ल्याने तुम्हाला चांगलाच फायदा होऊ शकतो.

हे सुद्धा वाचा

धुम्रपानाची सवय सुटता सुटेना? मग फुफ्फुसांच काय? निरोगी ठेवण्यासाठी 'या' गोष्टींचा आहारात करा समावेश!
नट्स

नट हे आपल्या आरोग्यासाठी खूप फायदेशीर मानले जाते.यामध्ये अनेक प्रकारचे आवश्यक जीवनसत्त्वे आणि खनिजे आढळतात, ज्यामुळे मधुमेह आणि हृदयाशी संबंधित आजारांचा धोका कमी होतो.नटांचे सेवन केल्याने झोपेची गुणवत्ता देखील वाढते कारण ते मेलाटोनिनचे खूप चांगले स्त्रोत आहेत.

तांदूळ

तांदूळ जगभर मोठ्या प्रमाणात वापरला जातो. तांदूळ फायबर, पोषक आणि अँटिऑक्सिडंट्सने समृद्ध आहे. तांदळात कार्बोहायड्रेट जास्त प्रमाणात असतात आणि त्याचा जीआय इंडेक्सही खूप जास्त असतो. रात्री झोपण्याच्या एक तास आधी भात खाल्ल्याने झोप येण्यास मदत होते.

चेरी

चेरीमध्ये मेलाटोनिन भरपूर प्रमाणात असते जे शरीराच्या अंतर्गत चक्राचे नियमन करण्यास मदत करते. तज्ज्ञांचा असा विश्वास आहे की झोपण्यापूर्वी मूठभर चेरीचे सेवन केल्याने चांगली झोप येण्यास मदत होते. चेरी ज्यूसच्या स्वरूपातही घेता येऊ शकतात किंवा ताजी चेरी उपलब्ध नसल्यास गोठवलेल्या चेरी देखील फायदेशीर ठरतील.

दूध

रात्री झोपण्यापूर्वी एक ग्लास कोमट दूध पिणे खूप फायदेशीर ठरू शकते. दुधामध्ये असलेले ट्रिप्टोफॅन आणि सेरोटोनिन चांगली झोप घेण्यास मदत करतात.