बातम्या

डाळिंब खाल्ल्याने आरोग्याला होणारे फायदे आणि तोटे!

By nisha patil - 8/28/2023 7:31:36 AM
Share This News:

डाळिंबासाठी एक प्रसिद्ध म्हण आहे- ‘एक अनार सौ बीमार’. असंही म्हटलं जातं की, जर एखादी व्यक्ती रोज एक डाळिंब खात असेल तर तो लवकर आजारी पडत नाही. डाळिंब खाण्याचे अनेक फायदे तुम्ही ऐकले असतील.

मात्र डाळिंब आरोग्यासाठीही खूप फायदेशीर आहे. डाळिंब शरीरातील रक्ताची कमतरता भरून काढण्यासाठी ओळखले जाते. हे खाल्ल्याने शरीरात झटपट एनर्जी देखील येते. डाळिंबाच्या लाल-लाल रसाळ बिया हृदयाच्या आरोग्यासाठी खूप चांगल्या असतात. इतकंच नाही तर हे खाल्ल्याने तुमचं वजनही झपाट्याने कमी होतं. पण आज आम्ही तुम्हाला डाळिंब खाण्याचे अनेक फायदे, तोटे सांगणार आहोत.

डाळिंब खाल्ल्याने आरोग्याला होणारे नुकसान-

1. डाळिंबाचे सेवन केल्याने फायदा होतो असे तुम्हाला वाटत असेल तर तसे नाही. अनेकदा डाळिंब खाल्ल्याने लोक आजारीही पडतात. जर तुम्ही हिवाळ्यात डाळिंब खात असाल तर दिवसा खा. थंडीत डाळिंब खाल्ल्याने सर्दी होऊ शकते. त्याचबरोबर पावसाळ्यातही डाळिंबाचे सेवन दिवसाच करावे.

2. डाळिंबामुळे काही लोकांचे नुकसान होते. खरं तर जर तुम्ही डाळिंबाचे जास्त सेवन करत असाल तर तुम्ही अतिसाराचे शिकार होऊ शकता. तसेच अतिसाराची समस्या असल्यास अशा परिस्थितीत डाळिंब खाऊ नये.

3. डाळिंबामुळे काही लोकांना स्किन ॲलर्जीचा त्रास होतो. त्यामुळे डाळिंबाचे सेवन न करण्याचा सल्ला दिला जातो. गरजेपेक्षा जास्त डाळिंब खाल्ल्याने रक्तदाबही कमी होतो. त्यामुळे कमी रक्तदाब असणाऱ्यांनी डाळिंबाचे सेवन करू नये.

डाळिंब खाण्याचे फायदे

1. डाळिंबाच्या फळात भरपूर प्रमाणात पोटॅशियम असते. ज्यामुळे हृदयाचे आरोग्य सुधारते. डाळिंब खाल्ल्याने रक्तवाहिन्यांमध्ये रक्ताच्या गुठळ्या किंवा कोलेस्टेरॉल जमा होत नाही. त्यामुळे हृदयविकाराचा झटका येण्याची शक्यता कमी असते. डाळिंब उच्च रक्तदाबावरही उपयुक्त आहे.

2. मधुमेहाच्या समस्येमध्ये डाळिंबाचे सेवन फायदेशीर ठरते. यामुळे शरीराची रोगप्रतिकारक शक्ती सुधारते. डाळिंबामध्ये आढळणारे अँटी-ऑक्सिडंट्स हंगामी आजारांशी लढण्यास मदत करतात.