ताज्या बातम्या

राधानगरी तालुक्यातील काळामादेवी यात्रोत्सव भक्तिभावाने संपन्न!

By nisha patil - 1/3/2025 2:05:22 PM
Share This News:

राधानगरी तालुक्यातील काळामादेवी यात्रोत्सव भक्तिभावाने संपन्न!

दर्शनासाठी हजारो भक्तांची गर्दी

नवसाला पावणाऱ्या आणि लाखो भाविकांचे श्रद्धास्थान असलेल्या काळामादेवीची यात्रा मोठ्या भक्तिभावाने संपन्न झाली. देवीच्या दर्शनासाठी हजारो भक्तांनी गर्दी केली होती. वाद्यांच्या गजरात, धार्मिक विधींनी आणि देवीच्या जयघोषात संपूर्ण परिसर भक्तिमय झाला होता.

दर्या खोऱ्यात वसलेली काळामादेवी हे जागृत देवस्थान मानले जाते. भाविक आपली मनोकामना पूर्ण होण्यासाठी देवीच्या चरणी नवस बोलतात आणि पूर्णत्वास गेल्यावर मोठ्या भक्तिभावाने देवीची यात्रा करतात. या यात्रेची खास वैशिष्ट्ये म्हणजे ती संपूर्ण रात्री भरवली जाते आणि विविध धार्मिक विधींचे आयोजन केले जाते.

यावेळी महापूजा, काकड आरती, देवीचा अभिषेक तसेच विविध पारंपरिक पूजाविधी संपन्न झाले. या उत्सवात महिलांची मोठी उपस्थिती होती. ढोल-ताशांच्या गजरात देवीच्या पालखीची मिरवणूक काढण्यात आली, ज्यामध्ये हजारो भाविकांनी सहभाग घेतला.

यात्रा शांततेत पार पाडण्यासाठी ग्रामस्थ, भाविक आणि आयोजकांनी विशेष मेहनत घेतली. भाविकांच्या सेवेसाठी विविध सोयीसुविधा उपलब्ध करून देण्यात आल्या होत्या.