बातम्या

कोल्हापूरवासियांना कांच के महल में रहनेवाले कांचा सेठ नको : रविकिरण इंगवले

By nisha patil - 10/25/2024 3:07:00 PM
Share This News:

कोल्हापूर उत्तर विधानसभा मतदारसंघाच्या उमेदवारीवरून महाविकास आघाडीत मोठा संघर्ष सुरू आहे. याच पार्श्वभूमीवर, शिवसेना (उद्धव बाळासाहेब ठाकरे गट) शहर प्रमुख रवीकरण इंगवले यांनीही या जागेवर आपला दावा मजबूत केला आहे. त्यांनी उद्धव ठाकरे यांच्याकडे जागा शिवसेनेला मिळावी, यासाठी जोरदार मागणी केली आहे.

मुंबईत तळ ठोकत इंगवले यांनी ठामपणे सांगितले, "पक्षश्रेष्ठींची परवानगी मिळू दे, मी सांगली पॅटर्न करून दाखवतो." यासोबतच, इंगवले यांनी कोल्हापूरच्या जनतेची भावना व्यक्त करत म्हटले, "कोल्हापूरवासियांना कांच के महल में रहनेवाले कांचा सेट नको, त्यांना खरा कार्यकर्ता पाहिजे. जनता रस्त्यावर उतरून काम करणारा नेता शोधत आहे, अहंकारी व्यक्तींना जनता घरी बसवेल."असं वक्तव्य करत त्यांनी रस्त्यावर उतरून काम करणारा कार्यकर्ता पाहिजे पण कांच के महल मे रहने वाला कांचा सेट जनतेला नको आहे असं वक्तव्यही केला आहे त्यामुळे त्यांचा हा रोख नेमका कोणाकडे आहे याची चर्चा देखील आता रंगली आहे...