बातम्या

बहिरेश्वर, म्हारुळ, आमशीमध्ये सौ. तेजस्विनी पाटील यांची प्रचार फेरी; हजारो महिलांची उपस्थिती

By nisha patil - 9/11/2024 11:22:44 PM
Share This News:

बहिरेश्वर, म्हारुळ, आमशीमध्ये सौ. तेजस्विनी पाटील यांची प्रचार फेरी; हजारो महिलांची उपस्थिती

बहिरेश्वर प्रतिनिधी:करवीर तालुक्यातील मौजे आमशी, म्हारुळ आणि बहिरेश्वर गावातून सौ. तेजस्विनी पाटील यांच्या मार्गदर्शनाखाली महाविकास आघाडीच्या अधिकृत उमेदवार राहुल पाटील यांच्या प्रचारार्थ हळदीकुंकू आणि पदयात्रा काढण्यात आली. या प्रचार फेरीत हजारो महिलांचा सहभाग दिसून आला.

कार्यक्रमाच्या प्रारंभात दिवंगत आमदार पी. एन. पाटील यांच्या प्रतिमेचे पुजन करण्यात आले. तसेच, स्वर्गीय शामराव गोदडे यांच्या स्नुषा सौ. अरुणा सागर गोदडे यांनी सौ. तेजस्विनी पाटील यांचा पुष्पगुच्छ देऊन हार्दिक स्वागत केला.

त्यानंतर संपूर्ण गावात मोठ्या उत्साहात रॅली काढण्यात आली, आणि राहुल पाटील यांना विधानसभेत पाठवण्यासाठी जास्तीत जास्त मतदान करण्याचे आवाहन करण्यात आले.

यावेळी विद्यमान लोकनियुक्त सरपंच सौ. वंदना दिंडे, माजी सरपंच लताताई सूर्यकांत दिंडे, माजी सरपंच सौ. अर्चना कृष्णात वरुटे, सौ. अंजना पाटील, सदस्य सौ. संजीवनी बचाटे आणि मोठ्या संख्येने महिलावर्ग उपस्थित होता.