बातम्या

पंतप्रधान नरेंद्र मोदी यांची इंडिया टुडे 'न्यूजमेकर ऑफ द इयर' म्हणून निवड

By nisha patil - 12/30/2023 3:17:26 PM
Share This News:

पंतप्रधान नरेंद्र मोदी यांची इंडिया टुडे 'न्यूजमेकर ऑफ द इयर' म्हणून निवड

पंतप्रधान नरेंद्र मोदी यांची इंडिया टुडेच्या 'न्यूजमेकर ऑफ द इयर 2023' म्हणून निवड झाली आहे. पंतप्रधान मोदी हे राष्ट्रीय आणि आंतरराष्ट्रीय स्तरावर गेल्या वर्षभरात बरेच चर्चेत राहिले आहेत. 
दरम्यान, पंतप्रधान नरेंद्र मोदी यांनी इंडिया टुडेचे मुख्य संपादक आणि अध्यक्ष अरुण पुरी, उपाध्यक्ष कली पुरी आणि समूह संपादकीय संचालक राज चेंगप्पा यांच्याशी विशेष संवाद साधला. या संभाषणातच, पंतप्रधान मोदींनी वर्षातील न्यूजमेकर म्हणून निवड झाल्याबद्दल सांगितले की, 'हा सन्मान दिल्याबद्दल मी आपला आभारी आहे. पण माझ्यासाठी या वर्षात अनेक न्यूजमेकर होते.'

पंतप्रधान मोदींनी देशातील शेतकरी, कामगार, खेळाडू आणि नागरिकांचे या वर्षाचे न्यूजमेकर म्हणून वर्णन केले. ते म्हणाले की, 'आमचे शेतकरी जे विक्रमी कृषी उत्पादन घेत आहेत आणि जगभरात क्रांती आणत आहेत, आमचे लोक ज्यांनी G20 ला देशभरात प्रचंड यश मिळवून दिले. आपल्या कौशल्याने यशाचा मार्ग मोकळा करणारे आपले विश्वकर्मा. आमचे खेळाडू ज्यांनी आशियाई खेळ, आशियाई पॅरा गेम्स आणि इतर अनेक स्पर्धांमध्ये आपल्या देशाची मान उंचावली. नवनवीन विक्रम निर्माण करणारी आपली तरुणाई, मग ती स्टार्टअप्स असो वा विज्ञान, सर्वच क्षेत्रात नवीन उंची गाठणारी आपली स्त्रीशक्ती, विशेषत: आता जेव्हा महिलांच्या नेतृत्वाखालील विकासाच्या माध्यमातून सक्षमीकरणाची नवी कथा लिहिली जात आहे.' हे सगळे जण न्यूजमेकर आहेत असं पंतप्रधान मोदी म्हणाले