बातम्या

संजय मंडलिक यांचे विधान अपरिपक्वपनाचे :- व्ही.बी. पाटील

By nisha patil - 3/17/2024 6:05:36 PM
Share This News:

पांडुरंग फिरींगे कोल्हापूर : प्रतिनिधी छत्रपती शाहू महाराज यांना निवडणुकीला उभे करणे हे देशाचे नेते शरदचंद्रजी पवार यांचे षडयंत्र आहे  अशा पद्धतीचे अपरिपक्वपनाचे विधान खासदार संजय मंडलिकनी केले आहे.

*2009  ची निवडणूक ही सदाशिवराव मंडलिक यांनी एका वेगळ्या वळणावर लढवली हे सर्वांनाच माहित आहे मंडलिक आयुष्यभरए जातीयवादी पक्षाच्या विरोधात आपला आवाज उठवला  आणि फुले शाहू आंबेडकर विचार शेवटपर्यंत जपला हे जपत असताना कधीही कुणावर खालच्या पातळीवर टीका केली नाही. हे त्यांचे मोठेपण होतं परंतु आज रोजी खासदार संजय मंडलिक यांनी पवार यांच्यावर टीका करून नेमकं स्वतःचं हसू करून घेतला आहे. आपण पूर्णतः जातीयवादी पक्षाच्या वळसचनीला जाऊन बसला आहात हा दोष तुमचा आहे. अजूनही आपली उमेदवारी जाहीर केली नाही. हे भाजपचे षडयंत्र आपल्याला ओळखता आले नाही.

*देश आणि  फुले शाहू आंबेडकर यांचे विचार अडचणीत असताना छत्रपती शाहू महाराज हे स्वतःहून निवडणुकीला उभारण्याचा निर्णय घेतला आहे  महाराज कोणीतरी सांगितल्यामुळे निवडणूक लढवतील एवढे ते अपरिपक्व नाहीत.
 आपण विचार करायला हवा *पवारांच्या मनात असे काही असते तर त्यांनी स्व. खासदार सदाशिवराव मंडलिकांच्या
नावाने देणाऱ्या पुरस्कारा वेळी आपण आयोजित केलेल्या  प्रायव्हेट हायस्कूलच्या मैदानावरील व्यासपीठावर हजेरी लावली नसती. त्यावेळेस तो विषय संपला होता हे कळाले नाही याचे आश्चर्य वाटते.

 *छत्रपती शाहू महाराज आणि  मंडलिक साहेब यांचे व्यक्तिगत संबंध सर्वश्रुत आहेत.
 दोघांनीही एकमेकांवर अगदी मनापासून नुसतेच प्रेम केले नाही तर फॅमिली रिलेशन पण निर्माण केले. *मंडलिकांनाच्या घरगुती कार्यक्रमात स्वतः जातीने उपस्थित राहणारे छत्रपती शाहू महाराज आम्ही पाहिलेत अनुभवले आहेत. आजही मंडलिक घराण्या विषयी महाराजांच्या मनात नितांत आदर आहे आणि याचाही अनुभव आपणास वेळोवेळी आलेला आहे असे असताना असे विधान करणे योग्य नाही.