बातम्या

विजय ढुमेच्या हत्येनंतर पोलिसांचा धक्कादायक खुलासा

By nisha patil - 2/10/2023 8:02:18 PM
Share This News:

 पुण्यात  सध्या गुन्हेगारीचं प्रमाण वाढत चालल्याचं चित्र आहे. दरम्यान अनेक गुन्हे सध्या पुण्यातून समोर येतायत. त्यातच निवृत्त पोलिसाचा मुलगा असलेल्या विजय ढुमेची हत्या झाली आणि पुण्यात एकच खळबळ माजली. या हत्येमुळे पुन्हा एकदा पुणं हादरलं. विद्येचं माहेरघर असलेल्या पुण्यातील अशा घटनेमुळे भीतीचे वातावरण निर्माण होत आहे. दरम्यान या प्रकणात पुणे पोलिसांनी धक्कादायक खुलासा केलाय. विजय ढुमेची हत्या लव्ह ट्रँगलमुळे  झाल्याचं पोलिसांनी स्पष्ट केलं आहे. 

विजय ढुमेची पुण्यातील सिंहगड परिसरामध्ये लाईन बॉय म्हणून ओळख होती. त्याच्या हत्येनंतर शहरात एकच खळबळ माजली होती. पण सिंहगड पोलिसांनी अगदी काहीच वेळात या हत्याकांडाचा छडा लावला. तर या गुन्ह्यांमधील आरोपींना पोलिसांनी बेड्या ठोकल्या आहेत. 

प्रेम संबंधांमुळे विजयची हत्या झाल्याचं पोलिसांनी स्पष्ट केलंय. विजय याचं लग्न झालं असलं तरीही मागील तेरा वर्षांपासून त्याचं सुजाता ढमाल या महिलेसोबत अनैतिक प्रेमसंबंध होते. पण मागील काही दिवसांपासून त्या दोघांमध्ये काही कारणांवरुन वाद होऊ लागले. त्यातच सुजाताची चार महिन्यांपूर्वी संदीप तुपे या सत्तावीस वर्षीय तरुणाशी ओळख झाली. त्यामुळे सुजाता आणि संदीप यांच्या नव्या प्रेमप्रकरणात विजय ढुमेचा अडथळा होऊ लागला. म्हणूनच या दोघांनाही विजय ढुमेची हत्या करण्याचा कट रचला. 

29 सप्टेंबर रोजी विजय सिंहगड रोडवरील एका लॉजमधून बाहेर येत होता. त्यावेळी संदीप आणि त्याच्या मित्रांनी लोखंडी सळी आणि लाकडाचा वापर करुन त्याच्यावर हल्ला केला. त्यावेळी विजयचा जागीच मृत्यू झाला. याबाबत आजूबाजूच्या लोकांना तात्काळ पोलिसांना याबाबत माहिती दिली.