बातम्या

खोची मुक्कामी एसटी तात्काळ सुरु करा

By nisha patil - 7/21/2023 7:17:56 PM
Share This News:

खोची : प्रतिनिधी - हातकणंगले तालुकयातील खोची या ठिकाणी मुक्कामी असणारी एसटी कमी उत्पत्न मिळत असल्याचे कारण देत  एसटी महामंडळाने कोणतीही सूचना न देता बंद केली आहे . त्यामुळे सकाळी खोचीतून वारणानगर , कोल्हापूर तसेच पेठ वडगाव या ठिकाणी शिक्षण घेण्यासाठी जाणाऱ्या विद्यार्थ्यांना याचा प्रचंड फटका बसत आहे . सकाळी जाण्यासाठी गावातून एसटी नसल्याने पहिला तास चुकून त्यांचे शैक्षणिक नुकसान होत आहे . याचबरोबर विद्यार्थ्यांच्याबरोबरच कामावर जाणाऱ्या प्रवासी महिला वर्गाला , पुरुष वर्गाला अधिक त्रास सहन करावा लागत आहे . त्यामुळे मुक्कामी एसटी तात्काळ सुरु करावी अशी मागणी परिसरातून होत आहे . 
         याबाबत अधिक माहिती अशी कि , सकाळी खोचीतून वडगावला जाण्यास असणाऱ्या ६. २५ , ८ .३० , ९. ४० या वेळेतील फेऱ्या चालू कराव्या तसेच संध्याकाळी वडगावमधून ८. ०० वाजता बुवांचे वाठार मार्गे खोचीला येणारी  मुक्कामी एसटी तात्काळ सुरु करावी अशी मागणी विद्यार्थी , महिला प्रवासी तसेच सर्व परिसरातून होत आहे .या फेऱ्या बंद असल्या कारणाने खोचीहून बाहेर शिक्षण , नोकरीस तसेच इतर कामास जाणाऱ्या प्रवासी वर्गाला अधिक त्रास सहन करावा लागत आहे . तसेच शाळेस जाणारे पासधारक विद्यार्थ्यांना या फेऱ्या बंद असल्या कारणाने पास असूनही पर्यायी मार्गे रिक्षा , लिफ्ट मागून जाणे यासारख्या अडचणींना समोर जावे लागत आहे . यासर्वात मुलीसह कामास जाणाऱ्या महिला वर्गाला जास्त अडचणीचा सामना करावा लागत आहे . लवकरात लवकर खोचीतील ही मुक्कामी एसटी चालू करावी अशी मागणी खोचीसह भेंडवडे ,लाटवडे परिसरातुन होत आहे .एसटी महामंडळाच्या या नियोजनशून्य कारभाराचा फटका विद्यार्थ्यांना बसत आहे