बातम्या

श्री वारणा सहकारी बँकेची दमदार कामगिरी...

By nisha patil - 2/4/2025 3:28:19 PM
Share This News:

श्री वारणा सहकारी बँकेची दमदार कामगिरी...

 ठेवींचा १००० कोटींचा टप्पा पार

 ग्राहकाभिमुख कारभार, सभासद आणि ग्राहकांचे मोलाचे सहकार्य तसेच विश्वासाच्या बळावर श्री वारणा सहकारी बँकेने २०२४-२५ या आर्थिक वर्षात यशाचा नवा मापदंड प्रस्थापित केला आहे. बँकेने ३१ मार्च २०२५ रोजी संपलेल्या आर्थिक वर्षात १००० कोटी रुपयांच्या ठेवींचा टप्पा पार केला आहे.

बँकेच्या आर्थिक प्रगतीतही लक्षणीय वाढ झाली असून, या वर्षात बँकेला १८.८३ कोटी रुपयांचा ढोबळ नफा तर ५.४१ कोटी रुपयांचा निव्वळ नफा झाला आहे. आर्थिक शिस्त, आधुनिक बँकिंग सेवा आणि ग्राहकांशी असलेले सुसंवाद यामुळे बँकेला ही उल्लेखनीय यशस्वीता मिळाली आहे.

नवीन आर्थिक वर्षाच्या सुरुवातीस संचालक मंडळाने भविष्यातील उद्दिष्टांवर भर दिला आहे. बँकेची सेवा आणखी व्यापक करण्यासाठी विविध नवीन उपक्रम हाती घेण्यात येणार आहेत. डिजिटल बँकिंग सेवा, लहान व्यवसायांसाठी कर्ज योजना आणि नव्या शाखांची वाढ यावर विशेष लक्ष केंद्रित केले जाणार आहे.

बँकेच्या यशस्वी वाटचालीसाठी सभासद, ग्राहक आणि हितचिंतकांनी दिलेल्या पाठबळाबद्दल संचालक मंडळाने आभार मानले असून, पुढील वर्षांतही बँक प्रगतीचा नवा उच्चांक गाठेल, असा विश्वास व्यक्त करण्यात आला आहे.