राजकीय

मतमोजणीसाठी जिल्हा प्रशासनाकडून जय्यत तयारी

By Administrator - 11/22/2024 12:32:16 PM
Share This News:

मतमोजणीसाठी जिल्हा प्रशासनाकडून जय्यत तयारी 

विधानसभा सार्वत्रिक निवडणुकीसाठी 20 नोव्हेंबर रोजी मतदान झाले असून या निवडणुकीची मतमोजणी,उद्या शनिवार दिनांक 23 नोव्हेंबर 2024 रोजी सकाळी 8 वाजल्यापासून सुरु होणार आहे. जिल्ह्यातील दहा मतदारसंघातील मतमोजणी प्रक्रिया सुरळीत व पारदर्शक पद्धतीने होण्याच्या दृष्टीने यंत्रणा सज्ज झाली असल्याची माहिती जिल्हाधिकारी तथा जिल्हा निवडणूक अधिकारी अमोल येडगे यांनी दिलीय.

जिल्ह्यातील दहा मतदारसंघातील मतमोजणी पुढील ठिकाणी होणार आहे.

चंदगड- पॅव्हेलियन हॉल गांधीनगर, नगरपरिषद, गडहिंग्लज, 

राधानगरी- तालुका क्रीडा संकुल, जवाहर बाल भवन, गारगोटी

 कागल-जवाहर नवोदय विद्यालय, सांगाव रोड, कागल

कोल्हापूर दक्षिण- व्ही.टी. पाटील सभागृह, ताराराणी विद्यापीठ, राजारामपुरी, कोल्हापूर

करवीर –शासकीय धान्य गोदाम क्र. D, रमणमळा कसबा बावडा, कोल्हापूर

कोल्हापूर उत्तर- शासकीय धान्य गोदाम क्र. A, रमणमळा कसबा बावडा, कोल्हापूर

शाहूवाडी-जुने शासकीय धान्य गोदाम-पश्चिमेकडील बाजू भाग-ब, तहसिल कार्यालयाशेजारी, शाहूवाडी

 हातकणंगले -शासकीय धान्य गोदाम- नंबर 2, हातकणंगले.

इचलकरंजी- राजीव गांधी सांस्कृतिक भवन, कापड मार्केटसमोर, इचलकरंजी

शिरोळ- मध्यवर्ती प्रशासकीय इमारतीमधील आवारामध्ये (तळ मजला) या ठिकाणी मतमोजणी होणार आहे.