बातम्या

चमत्कारी आहेत ‘या’ तुळशीचे फायदे, जाणून घ्या कसा करावा वापर

By nisha patil - 11/23/2023 7:17:02 AM
Share This News:

 तुळशीच्या औषधी गुणधर्मामुळे अनेक आयुर्वेदिक आणि निसर्गोपचार रुग्णालयांमध्ये औषधी वनस्पती बनवण्यासाठीही तिचा वापर केला जातो. या ’वैद्यकीय औषधी वनस्पती’च्या अनेक जाती आहेत, त्यापैकी राम तुळस आणि कृष्ण तुळस सर्वात सामान्य आहेत. पण दोघांमध्ये काय फरक आहे आणि चांगल्या आरोग्यासाठी तुम्ही कोणती निवडावी, ते जाणून घेवूयात. 

राम तुळस आणि कृष्ण तुळस यांच्यातील फरक स्पष्ट करताना, आहारतज्ज्ञ डॉ. प्रियंका रोहतगी म्हणाल्या, राम तुळशीचा वापर बहुतेक पूजेत केला जातो. ही तुळस तिच्या औषधी गुणधर्मांसाठी प्रसिद्ध आहे. तुळशीच्या या जातीच्या पानांना गोड चव असते. कृष्ण तुळशीची पाने हिरवी व जांभळ्या रंगाची असतात आणि देठ जांभळ्या रंगाचा असतो.वेद क्युअरचे संस्थापक आणि संचालक विकास चावला यांनी राम तुळशीबद्दल सांगितले की, या तुळशीला हिंदू धर्मात रामबाण उपाय म्हटले जाते. धार्मिक पूजेसाठी याचा वापर केला जातो. विकास चावला यांनी कृष्णा तुळशीबद्दलही म्हटले की, कृष्ण तुळशीचे पान जांभळ्या रंगाचे असते. ही तुळस कमी वापरली जाते, पण तिचे अनेक औषधी फायदेही आहेत.

तज्ज्ञांच्या मते, दोन्ही तुळशींचे औषधी फायदे आहेत. फिटनेस एक्स्प्रेसचे संचालक अंकित गौतम म्हणाले, दोन्ही तुळस ताप, त्वचा रोग, पचन आणि रोगप्रतिकारशक्ती बरे करण्यासाठी वापरल्या जातात. लोक चिंता आणि तणाव कमी करण्यासाठी देखील याचा वापर करतात. वजन कमी करण्यासाठी तुळशीचे पाणी वापरले जाते, असे एका संशोधनातून समोर आले आहे. याच्या सेवनाने सर्दी-खोकलाही दूर होतो.

चावला यांनी तुळशीला निसर्गाची देणगी म्हटले आहे. राम तुळस पचनासाठी फायदेशीर आहे.
कृष्णा तुळशीबद्दल त्यांनी सांगितले की, त्वचारोग आणि इतर अनेक आजारांवर ती औषध म्हणून वापरली जाते.

राम तुळस एक नैसर्गिक बूस्टर आहे. ती तणाव आणि उच्च रक्तदाब कमी करण्यासाठी वापरली जाते.
त्यात कर्करोगविरोधी गुणधर्म आहेत आणि आरोग्य आणि पचन सुधारण्यास मदत करते.

कृष्णा तुळस लहान मुलांना खायला दिली जाते. सर्दी-खोकल्याचा त्रास, खूप तापावरही ती फायदेशीर आहे.
त्यातील अँटी-ऑक्सिडंट गुणधर्म हृदयाच्या समस्या आणि मधुमेहासाठी देखील चांगले आहेत.
यामुळे त्वचा चमकदार होते आणि केसांची लांबीही वाढते.