बातम्या

तरुण नातवाच्या मृत्यूचा आजीला इतका मोठा धक्का , म्हणाल्या 'मी तुझ्या सेवेसाठी येत आहे...

By nisha patil - 6/2/2024 3:17:51 PM
Share This News:

नवसारी: आजीचं आपल्या नातवांवर सर्वाधिक प्रेम असतं असं म्हटलं जातं. याचंच एक उदाहरण गुजरातमधील नवसारी येथे पाहायला मिळालं. जिथे आपल्या तरुण नातवाच्या मृत्यूचा एका आजीला इतका मोठा धक्का बसला की काहीच वेळात तिनेही आपले प्राण त्यागले. मृत्यूपूर्वीचे आजीचे अखेरचे शब्द ऐकून सारेच गहिवरले. जेव्हा आजीला नातवाच्या मृत्यूची बातमी समजली तेव्हा ती धायमोकलून रडू लागल्या आणि म्हणाल्या, 'मी तुझ्या सेवेसाठी येत आहे'. त्यानंतर त्यांचा मृत्यू झाला.
  

हे प्रकरण गुजरातच्या नवसारी जिल्ह्यातील आहे. येथील विजलपूर नगरपालिकेतील नगरसेवक आणि माजी कार्याध्यक्ष अश्विन कसुंदरा हे गेल्या अनेक दिवसांपासून आजारी होते. याच आजारपणामुळे अश्विन यांचा सोमवारी (५ फेब्रुवारी) सायंकाळी मृत्यू झाला. आजी लक्ष्मीबेन यांना नातवाच्या मृत्यूची बातमी समजताच त्यांना धक्का बसला.