बातम्या

आदित्य आणि दयाची जोडी पुन्हा एकदा झळकणार

By nisha patil - 4/25/2024 5:17:57 PM
Share This News:

छोट्या पडद्यावर अनेका वर्ष आपली हुकूमत गाजवणारी मालिका सीआयडीने प्रेक्षकांचा निरोप घेतल्यानंतर चाहत्यांना धक्का बसला. या मालिकेने जवळपास तीन दशके टीआरपीच नव्हे तर प्रेक्षकांच्या मनावर अधिराज्य गाजवले. या मालिकेतील एसीपी प्रद्युमन, दया, अभिजीत, फ्रेडी, डॉक्टर साळुंखे अशा अनेक व्यक्तीरेखा लोकप्रिय आहेत. मालिका बंद झाल्याने  प्रेक्षकांचा हिरमोड झाला होता. आता, मात्र या मालिकेतील आदित्य श्रीवास्तव  आणि दयानंद शेट्टी ही जोडगोळी पुन्हा एकदा झळकणार आहे. 
 

'हिंदुस्तान टाइम्स'ने दिलेल्या वृत्तानुसार, आदित्य श्रीवास्तव आणि दयानंद शेट्टी हे दोघेही कमबॅक करत आहेत. मात्र, हे दोघेही जुन्या व्यक्तीरेखेत दिसणार नाहीत. दयानंदने सांगितले की, आम्ही कमबॅक करत आहोत. पण, दया आणि अभिजित म्हणून परतणार नाही. 
दयानंद आणि आदित्य छोट्या पडद्यावर  कोणत्याही गुन्ह्याचा तपास करताना दिसणार नाहीत. आदित्यने सांगितले की, दया आणि मी मागील 20 वर्षांपासून गु्न्ह्यांच्या प्रकरणांची उकल करण्याचा प्रयत्न करत होतो. मात्र, आता तसे होणार नाही. सीआयडीची जुनी टीम एका ट्रॅ्व्हल शोच्या माध्यातून प्रेक्षकांच्या भेटीला येणार असल्याचे त्याने सांगितले.