बातम्या

कोल्हापूर जिल्ह्यात भटक्या कुत्र्यांचा अचानक गायब होण्याचा प्रकार..

By nisha patil - 11/22/2024 9:58:18 PM
Share This News:

कोल्हापूर जिल्ह्यात भटक्या कुत्र्यांचा अचानक गायब होण्याचा प्रकार..

 उलटसुलट चर्चांना उधाण

 कोल्हापूर जिल्ह्यात निवडणुकीच्या कालावधीदरम्यान चर्चेला उधाण आला आहे.जिल्ह्यात भटक्या कुत्र्यांची अचानक संख्या घटल्याचे स्थानिक नागरिकांच्या लक्षात आले असून, यामुळे उलटसुलट चर्चांना उधाण आले आहे. मांसाहारावर प्रेम करणाऱ्या कोल्हापूरकरांमध्ये हा विषय विशेष चर्चेचा ठरत आहे.कोल्हापूर जिल्हा मांसाहारासाठी प्रसिद्ध आहे. येथील मटण आणि इतर मांसाहारी पदार्थांची चव स्थानिक तसेच बाहेरून येणाऱ्या पर्यटकांमध्ये लोकप्रिय आहे.

मात्र, भटक्या कुत्र्यांची अचानक घटलेली संख्या निवडणुकीच्या काळात अनेक प्रश्न निर्माण करत आहे.भटक्या कुत्र्यांचे अचानक गायब होणे हा निव्वळ योगायोग आहे का, की यामागे काही कारण आहे, यावर चर्चा सुरू आहे. काहींनी हा विषय राजकीय रणनीतीशी जोडला आहे, तर काहींनी यामागे मांसाहाराशी संबंधित कारणांचा संशय व्यक्त केला आहे. "भटक्या कुत्र्यांचा तात्पुरता गहाळ होणे निवडणुकीच्या नियोजनाचा भाग आहे का?" असा प्रश्न अनेक नागरिक विचारत आहेत.
या घटनेमुळे स्थानिक प्रशासनावरही प्रश्न उपस्थित होऊ लागले आहेत. निवडणुकीच्या काळात भटक्या प्राण्यांच्या व्यवस्थापनासाठी विशेष यंत्रणा कार्यरत असते, मात्र सध्या दिसून येत असलेल्या घटनेने प्रशासनाच्या कामगिरीवर शंका घेतली जात आहे.
 

सध्या भटक्या कुत्र्यांच्या गायब होण्याच्या घटनेमुळे कोल्हापूर जिल्ह्यात उत्सुकता आणि शंका दोन्ही वाढत चालल्या आहेत. यावर प्रशासन आणि संबंधित यंत्रणांची भूमिका काय असेल, हे पाहणे महत्त्वाचे ठरेल.