बातम्या

या’ आहेत जगातील तीन महागड्या शाळा !

By nisha patil - 6/22/2023 5:15:47 PM
Share This News:

प्रत्येक पालकाचे स्वप्न असते की आपल्या मुलांनी चांगल्या शाळेत शिकावे. जगातील सर्वात महागड्या शाळेत शिकण्याची संधी शोधणाऱ्या कोणालाही या शाळांबद्दल जाणून घ्यायला आवडेल. जर तुम्हाला तुमच्या मुलाच्या शिक्षणावर चांगला पैसा खर्च करायचा असेल, तर जगातील या महागड्या शाळांची माहिती घेणे खूप गरजेचे आहे.
1. अल्पिन ब्यू कॉलेज स्वित्झर्लंडस्वित्झर्लंडमधील अल्पिन ब्यू कॉलेज हे जगातील सर्वात महागडे बोर्डिंग स्कूल आहे. महागडी असल्याने या शाळेत शिकणाऱ्या विद्यार्थ्यांची संख्या 260 ते 300 च्या दरम्यान आहे. या शाळेची वार्षिक फी 1,50,000 स्विस फ्रँक (सुमारे 1.23 कोटी रुपये) आहे. ही शाळा मुलांना भविष्यासाठी परदेशी भाषा शिकवणे, कलाकुसर शिकवणे, तांत्रिक माहिती देणे, प्रदर्शनासारखे कार्यक्रम आयोजित करणे अशा अनेक कौशल्यांचे प्रशिक्षण देते. याशिवाय उन्हाळी शिबिरांमध्ये मुले साहसी खेळांसारख्या उपक्रमांसाठी सहलीला जातात. ज्यामध्ये पॅराग्लायडिंग, रिव्हर राफ्टिंग, स्काय डायव्हिंग इत्यादी प्रशिक्षण दिले जाते.

2. ले रोसी स्वित्झर्लंडजगातील दुसरी सर्वात महागडी शाळा देखील स्वित्झर्लंडमध्ये आहे. ले रोसी  असे या शाळेचे नाव आहे. येथे 250 ते 300 मुले शिकतात. या शाळेची ची वार्षिक फी 1,25,000 स्विस फ्रँक (रु. 1 कोटी) आहे आणि त्यापेक्षा जास्त रक्कम भरावी लागेल. या शाळेत मुलांसाठी डे बोर्डिंगची सुविधा उपलब्ध आहे. जिथे मुलांसाठी वरच्या वर्गाच्या अभ्यासापासून ते त्यांच्या राहण्या-खाण्यापर्यंतची उत्तम व्यवस्था आहे.
3. हार्टवुड स्कूल, यूकेजगातील तिसरी सर्वात महागडी शाळा यूकेमध्ये आहे. ही शाळा हार्टवुड स्कूल म्हणून ओळखली जाते. या शाळेत प्रवेश घेण्यासाठी विद्यार्थ्यांना यूके चलनात शुल्क भरावे लागते. या शाळेची फी 25284 पौंड (सुमारे 22 लाख रुपये) आहे.या शाळेत प्रवेश घेण्यासाठी उमेदवाराला मुलाखत द्यावी लागते. मुलाखत क्रॅक केल्यानंतरच या शाळेत प्रवेश दिला जातो. सर्जनशील उपक्रमांव्यतिरिक्त, या शाळा मुलांना अनेक व्यावहारिक प्रकल्पांवर काम करण्याची संधी देतात. जे तांत्रिक, वैद्यकीय, कला, NGO इत्यादींशी संबंधित आहे