बातम्या

‘या’ 3 वाईट सवयींकडे आजच फिरवा पाठ

By nisha patil - 11/29/2023 7:23:58 AM
Share This News:

हृदयविकाराचा धोका वाढवणार्‍या सवयी

1. वजनावर नियंत्रण न ठेवणे
धावपळीच्या या जीवनात, बहुतेक लोक लठ्ठपणा किंवा जास्त वजनाच्या समस्येने त्रस्त असतात. हृदयविकाराचा झटका येण्याच्या जोखमीच्या घटकांपैकी हा एक घटक असल्याचे आरोग्य तज्ञ मानतात. मायोहेल्थ म्हणते की लठ्ठपणामुळे हाय ब्लड कोलेस्टेरॉल, हाय ट्रायग्लिसराइड, हाय ब्लड प्रेशर आणि डायबिटिजचा  धोका वाढतो, या सर्वांमुळे हृदयविकाराचा धोका वाढतो. यामुळेच हृदयविकाराचा धोका कमी करण्यासाठी वेळेत वजन कमी

2. स्मोकिंग आणि टेन्शन 
अनेक अभ्यास असे सूचित करतात की जे लोक धूम्रपान करतात आणि जास्त तणावाखाली असतात त्यांना हृदयविकाराचा झटका येण्याचा धोका जास्त असतो. खरं तर, धूम्रपानामुळे धमन्यांमध्ये कालांतराने प्लेक तयार होते, ज्यामुळे रक्तवाहिन्या अरुंद होतात आणि हृदयाला रक्तपुरवठा कमी होतो, ज्यामुळे हृदयविकाराचा धोका वाढतो. त्याचप्रमाणे जास्त ताण घेतल्याने रक्तदाबाचा त्रास वाढतो, जो हृदयविकाराचा मुख्य घटक मानला जातो. यामुळेच तणाव न घेण्याचा आणि धूम्रपानापासून दूर राहण्याचा सल्ला आरोग्य तज्ज्ञ देतात.

3. फिजिकली इनअ‍ॅक्टिव्ह
आरोग्य तज्ज्ञांचे म्हणणे आहे की जर तुम्हाला आरामदायी जीवन आवडत असेल तर या सवयीमुळे हृदयविकाराचा धोका वाढू शकतो. शारीरिक निष्क्रियतेमुळे हृदयविकाराचा धोका अनेक पटींनी वाढतो यात शंका नाही. कारण जेव्हा शरीर निष्क्रिय राहते तेव्हा रक्तवाहिन्यांमध्ये फॅटी पदार्थ तयार होऊ लागतात. तुमच्या हृदयापर्यंत रक्त वाहून नेणार्‍या धमन्या खराब झाल्या किंवा ब्लॉक झाल्या तर हृदयविकाराचा झटका येऊ शकतो. यामुळेच सर्व लोकांना दररोज व्यायाम करण्याचा सल्ला दिला जातो. योगासने आणि नियमित व्यायाम करून हृदयविकाराचा झटका आणि हृदयविकाराचा धोका बर्‍याच प्रमाणात कमी करता येतो.

हार्ट अटॅकची लक्षणे

1. छातीत वेदना वाढणे
2. घाम येणे
3. धाप लागणे
4. उलट्या, मळमळ
5. चक्कर येणे
6. अचानक थकवा
7. छातीच्या मध्यभागी काही मिनिटांसाठी तीव्र वेदना, जडपणा किंवा आकुंचन
8. वेदना हृदयापासून खांदा, मान, हात आणि जबड्यापर्यंत पसरते