विशेष बातम्या
कोल्हापूर जिल्ह्यात दोन नवीन सौरऊर्जा प्रकल्प कार्यान्वित
By nisha patil - 6/3/2025 7:16:36 PM
Share This News:
कोल्हापूर जिल्ह्यात दोन नवीन सौरऊर्जा प्रकल्प कार्यान्वित
आळते आणि सातवे प्रकल्पांमधून ३२४३ शेतकऱ्यांना दिवसा वीजपुरवठा
कोल्हापूर, ६ मार्च २०२५: शेतकऱ्यांना सिंचनासाठी दिवसा वीज पुरवठा करण्याच्या उद्देशाने राज्यात मुख्यमंत्री सौर कृषी वाहिनी योजना २.० राबविण्यात येत आहे. या योजनेच्या अंतर्गत सातवे (ता. पन्हाळा) आणि आळते (ता. हातकणंगले) येथे दोन नवीन सौरऊर्जा प्रकल्प कार्यान्वित झाले आहेत. या प्रकल्पांची यशस्वी चाचणी नुकतीच पूर्ण झाली असून, जिल्ह्यातील एकूण कार्यरत सौर प्रकल्पांची संख्या चार झाली आहे. या चार प्रकल्पांमधून ५२४९ शेतकऱ्यांना शेतीसाठी दिवसा वीज उपलब्ध करून देण्यात येत आहे.
सातवे आणि आळते प्रकल्पांचा शेतकऱ्यांना लाभ
जिल्ह्यातील अन्य कार्यरत सौरऊर्जा प्रकल्प
- किणी (ता. हातकणंगले) - १२१६ शेतकरी लाभार्थी
- हरोली (ता. शिरोळ) - ७९० शेतकरी लाभार्थी
कोल्हापूर जिल्ह्यात ५३ सौर प्रकल्प प्रस्तावित
मुख्यमंत्री सौर कृषी वाहिनी योजना २.० अंतर्गत कोल्हापूर जिल्ह्यात ५३ ठिकाणी सौर प्रकल्प प्रस्तावित आहेत. या प्रकल्पांची एकूण स्थापित क्षमता १७० मेगावॅट असून, पूर्ण झाल्यानंतर ४८ कृषी वाहिन्यांवरील शेतकऱ्यांना दिवसा वीज उपलब्ध होणार आहे.
सौर प्रकल्पांसाठी जिल्हा प्रशासनाचे योगदान
या प्रकल्पांसाठी जिल्हा प्रशासनाचे मोलाचे सहकार्य लाभले आहे. जिल्हाधिकारी अमोल येडगे आणि त्यांच्या प्रशासकीय टीमने गायरान जमिनी उपलब्ध करून देण्यासाठी विशेष प्रयत्न केले आहेत. तसेच, जिल्हा परिषद, भूमी अभिलेख कार्यालय आणि पोलीस प्रशासनानेही सहकार्य केले आहे.
महावितरणचे आवाहन – ग्रामपंचायतींचा सक्रिय सहभाग आवश्यक
महावितरणने ग्रामपंचायतींना सौरऊर्जा प्रकल्पांसाठी सहकार्य करण्याचे आवाहन केले आहे. तसेच, या प्रकल्पांसाठी जागा उपलब्ध करून देणाऱ्या ग्रामपंचायतींना पहिल्या तीन वर्षांसाठी प्रत्येकी ५ लाखांचे अनुदान दिले जाणार आहे.
कोल्हापूर जिल्ह्यात दोन नवीन सौरऊर्जा प्रकल्प कार्यान्वित
|