बातम्या
राम मंदिर कुणाची खाजगी मालमत्ता नाही, मी नक्की अयोध्येला जाईन – उद्धव ठाकरे
By nisha patil - 1/13/2024 4:24:52 PM
Share This News:
मुंबई : अयोध्येत येत्या 22 जानेवारीला राम मंदिराचा उद्घाटन सोहळा पार पडणार आहे. याच दिवशी 22 जानेवारीला मी नाशिकमध्ये काळाराम मंदिरात जाऊन दर्शन घेणार आहे, अशी माहिती उद्धव ठाकरे यांनी दिली आहे. तसेच या सोहळ्याला आम्ही राष्ट्रपतींना देखील आमंत्रित करणार आहोत अशी माहिती देखील त्यांनी दिली आहे. शिवसेनेचे खासदार राष्ट्रपतींना भेटून आदरपूर्वक निमंत्रित करतील असे त्यांनी सांगितले.
शनिवारी सकाळी पत्रकार परिषद घेऊन उद्धव ठाकरे यांनी काळाराम मंदिराच्या भेटीची माहिती दिली आहे. 22 तारखेला नाशिकमध्ये काळाराम मंदिरात दर्शन घेणार आहोत आणि गोदाकाठी आरती करणार आहोत असे उद्धव ठाकरे म्हणाले. तसेच अयोध्येतील सोहळ्यासाठी राष्ट्रपतींना निमंत्रण नसलं तरी आम्ही त्यांना निमंत्रित करत आहोत. त्यांनी नक्की यावं. त्यांचा पूर्ण सन्मान केला जाईल. त्यांच्या पदाचा पूर्ण आदर राखण्याचा आम्ही प्रयत्न करू असे उद्धव ठाकरे म्हणाले.
राम मंदिर कुणाची खाजगी मालमत्ता नाही, मी नक्की अयोध्येला जाईन – उद्धव ठाकरे
|