बातम्या

आरोग्यासाठी अत्यंत फायदेशीर फळे! निश्चिंत राहा, उपाशी पोटी खा!

By nisha patil - 8/30/2023 7:55:02 AM
Share This News:

आरोग्यासाठी अत्यंत फायदेशीर फळे! निश्चिंत राहा, उपाशी पोटी खा! केळीमध्ये पोटॅशियम, फायबर आणि जीवनसत्त्वे असतात. उपाशी पोटी खाण्यासाठी केळी हा पर्याय सर्वोत्तम! केळी सहज पचते आणि पोट देखील चांगलं भरतं.

रिकाम्या पोटी खाल्ल्यास ते केळी चांगली ऊर्जा देऊ शकते.

पपईमध्ये पपेन नावाचे एंजाइम असते, जे पचनक्रियेत मदत करते. रिकाम्या पोटी पपई खाल्ल्याने खूप फायदा होतो. उठल्यावर पाणी प्या आणि फ्रेश होऊन हे फळ खा! आरोग्यसाठी अत्यंत फायदेशीर आहे. पपई पचन सुधारण्यास मदत करते. यामुळे आतड्यांसंबंधी हालचाली नियमित होतात.

टरबूज हे फळ उन्हाळ्यात मिळतं. हे फळ खूप लोकप्रिय आहे. रसाळ आहे. टरबूज शरीराला हायड्रेटेड ठेवतं ते शरीरासाठी खूप उपयुक्त असतं. मग सांगा रिकाम्या पोटी हे फळ खाल्ल्याने काही नुकसान होऊ शकतं का? त्यात लाइकोपीन सारखे अँटीऑक्सिडंट्स असतात. रिकाम्या पोटी टरबूज खा आणि दिवसाची सुरुवात एकदम फ्रेश करा.

सफरचंद हे सगळ्यात एक नंबरचं आरोग्यदायी असणारं फळ आहे. आपण लहानपणापासून ऐकत आलोय सफरचंद डॉक्टरपासून आपल्याला लांब ठेवतात. रिकाम्या पोटी सफरचंद खाल्ल्यास खूप फायदेशीर असते. रक्तातील साखरेची पातळी नियमित होण्यास आणि पचन सुधारण्यास मदत होते. हे फायबर आणि अँटीऑक्सिडंट्सचे चांगले स्रोत आहे.

असं म्हणतात की हृदयाच्या आरोग्यासाठी बेरी खाणे चांगले असते. हृदयाचे आरोग्य राखता आलेच पाहिजे. यात कॅलरी कमी असतात आणि जीवनसत्त्वे आणि अँटीऑक्सिडंट्स जास्त असतात. रिकाम्या पोटी बेरीचे सेवन केल्याने हृदयाचे आरोग्य सुधारू शकते.