बातम्या
ज्येष्ठ कीर्तनकार बाबा महाराज सातारकर यांचं निधन
By nisha patil - 10/26/2023 12:54:05 PM
Share This News:
ज्येष्ठ कीर्तनकार बाबा महाराज सातारकर यांचं निधन झालं. वयाच्या 89 व्या वर्षी नवी मुंबईती नेरूळ इथे त्यांनी अखेरचा श्वास घेतला. बाबा महाराज सातारकर यांच्या पार्थिवावर उद्या शुक्रवारी 27 ऑक्टोबरला संध्याकाळी 5 वाजता नेरुळ येथे अंत्यसंस्कार होणार आहेत. दरम्यान, बाबा माहाराज सातारकर यांचं पार्थिव आज दुपारी तीननंतर अंतिम दर्शनासाठी नेरूळ जिमखाना समोर असलेल्या विठ्ठल रुक्मिणी मंदीरात ठेवण्यात येईल.
बाबा महाराज सातारकर यांनी आपलं आयुष्य अध्यात्माच्या प्रचार प्रसारासाठी अर्पण केलं. रोखठोक वाणी आणि शुद्ध विचार हे बाबा महाराज सातारकर यांचं व्रत होतं. कीर्तनाच्या माध्यमातून त्यांनी जनसामान्यांचं प्रबोधन केलं होत. आता त्यांच्या निधनाने
अवघ्या महाराष्ट्रातील वारकरी संप्रदाय परंपरेतील व सातारकर फड परंपरेतील लाखोंच्या समुदायावर दुःखाचा डोंगर कोसळला आहे
ज्येष्ठ कीर्तनकार बाबा महाराज सातारकर यांचं निधन
|