बातम्या

कोलोलीच्या 'शिवशंभो' दूध संस्थेच्या अध्यक्षपदी विजया जाधव

By nisha patil - 3/21/2024 5:51:25 PM
Share This News:

पन्हाळा  :  प्रतिनिधी कोलोली (ता. पन्हाळा) येथील श्री. शिवशंभो सहकारी दूध व्यावसायिक संस्थेच्या अध्यक्षपदी विजया यशवंत जाधव तर उपाध्यक्षपदी संजय आनंदा जाधव यांची सर्वानुमते बिनविरोध निवड करण्यात आली. निवड सभेच्या अध्यक्षस्थानी एम. एस. जाधव होते. शिवशंभो सहकारी दूध संस्थेच्या नुकत्याच झालेल्या पंचवार्षिक निवडणुकीत माजी पोलिसपाटील मुरारी तुकाराम पाटील यांच्या नेतृत्वाखालील गणेश पॅनेलने बिनविरोध दोन जागांसह १० जागा जिंकत सत्ता कायम ठेवली होती.

यावेळी गणेश पॅनेलप्रमुख मुरारी पाटील, तानाजी जाधव, सागर जाधव यांच्यासह नूतन संचालक अॅड. दीपक मुरारी पाटील, संजय जाधव, अशोक पाटील, विलास चौगुले, पांडुरंग पाटील, चंद्रकांत कांबळे, गीता कदम, सर्जेराव सुतार, मुरलीधर पोवार व प्रकाश चव्हाण उपस्थित होते. दूध संस्थेच्या माध्यमातून सभासदांना ज्यास्तीत ज्यास्त नफा होईल यासाठी माझ्या सह संचालक मंडळ प्रयत्नात राहणार असल्याचे नुतन चेअरमन विजया जाधव यांनी तारा न्युज शी बोलताना सांगितले.