बातम्या

लेकाच्या जन्मानंतर विराट परतला मात्र अनुष्का अजून परदेशातच

By nisha patil - 3/20/2024 4:32:03 PM
Share This News:

क्रिकेटर विराट कोहली आणि बॉलिवूड अभिनेत्री अनुष्का शर्मा  नेहमीच कोणत्या ना कोणत्या कारणाने चर्चेत असतात. अनुष्काने 15 फेब्रुवारी 2024 रोजी अकायला जन्म दिला आहे. अकायच्या जन्मापासून अनुष्का लंडनमध्ये आहे. त्यामुळे आता विराट कोहली  आणि अनुष्का शर्मा  परदेशात स्थायिक होणार असल्याची चर्चा आहे.अनुष्का शर्मा गेल्या पाच महिन्यांपासून लंडनमध्ये आहे. विराट कोहली नुकताच भारतात स्पॉट झाला. पण त्याच्यासोबत अनुष्का नव्हती. लेकाच्या जन्मानंतर विराट कोहली पहिल्यांदाच भारतात आला होता. विराट 22 मार्च 2024 रोजी होणाऱ्या रॉयल चॅलेंजर्स बंगळुरु  आणि चेन्नई सुपर किंग्स  यांच्यात होणाऱ्या आयपीएल सामन्याचा भाग होणार आहे. विराटला एकट्यालाच भारतात पाहून चाहत्यांनी त्याला अनुष्का कुठे आहे? असा प्रश्न विचारला.

विराट क्रिकेट सामन्यासाठी भारतात आला आहे. भारतात स्पॉट झालेले त्याचे फोटो आणि व्हिडीओ सोशल मीडियावर व्हायरल होत आहेत. क्रिकेट सामन्यानंतर विराट-अनुष्का पूर्णपणे परदेशात स्थायिक होणार, तुमच्याकडे पैसा असेल तर परदेशातच तुम्ही जायला हवं, अनुष्काने तसंही गृहिणी होण्याची इच्छा व्यक्त केली आहे, आधी पत्नीसाठी देश सोडला आणि आता फ्रेंचायझीसाठी पत्नीला सोडून भारतात आला आहेस, अशा कमेंट्स करत नेटकऱ्यांनी विराट-अनुष्काच्या निर्णयावर नाराजी व्यक्त केली आहे.