राजकीय

आंबा मतदान केंद्रावर चुरशीने पण शांततेत मतदान पार..

By Administrator - 11/20/2024 4:30:13 PM
Share This News:

आंबा मतदान केंद्रावर चुरशीने पण शांततेत मतदान पार..
 
महाराष्ट्र विधानसभेसाठी आज दिनांक 20 रोजी विविध ठिकाणी मतदान पार पडले...
 
आंबा तालुका शाहूवाडी येथे चुरशीने पण शांततेत मतदान पार पडले. सकाळपासून मतदारांनी मोठमोठ्या रांगा लावून  आपल्या मतदानाचा अधिकार बजावला. आंबा हे पंचक्रोशीतील शाहूवाडी तालुक्यातील शेवटचे गाव. परंतु राजकीय दृष्ट्या महत्त्वपूर्ण असलेला हा भाग आहे. शाहूवाडी पन्हाळा विधानसभा मतदारसंघासाठी भाजप महायुतीचे पुरस्कृत उमेदवार  श्री विनय कोरे व महाविकास आघाडीचे अधिकृत उमेदवार श्री सत्यजित पाटील सरूडकर या दोघांमध्ये प्रामुख्याने लढत होताना दिसत आहे. सत्यजित पाटलांचे वर्चस्व असलेला हा तालुका असल्यामुळे कोणाला  किती मतदान होईल हे सांगणे आता कठीण आहे . परंतु मतदानात  मतदारांचा उत्साह  मात्र दिसून आला. गटागटाने येऊन लोक मतदान करीत होते. सकाळच्या टप्प्यात पुरुष मतदार आणि 11 नंतर महिला मतदारांनी गर्दी केली व मतदान केले. अशाप्रकारे शांततेत मतदान पार पडले.