बातम्या

कोरियन तरुणींची फक्कड लावणी पाहून तुम्हालाही लागेल उचकी !

By nisha patil - 12/15/2023 5:53:37 PM
Share This News:

 कोरियन स्कीनकेअर, कोरियन डान्स, के-ड्रामा, के-पॉप यांनी जगभरात आपली भुरळ पाडली आहे. भारतातही कोरियन ड्रामा आणि के-पॉप बँड्सचे असंख्य चाहते आहेत. दक्षिण कोरियातील ड्रामा आणि गाणी अत्यंत आवडीने इथे पाहिले आणि ऐकले जातात. पण कोरियाच्या भूमीवर मराठमोळी लावणी सादर केल्याची तुम्ही कधी कल्पना केली का? ही कल्पना ऐकायला जितकी सुंदर वाटतेय, तितकीच सुंदर ती पहायलाही वाटतेय. मराठी अभिनेत्री आणि शास्त्रीय नृत्यांगना अदिती भागवतने ही कमाल केली आहे. दक्षिण कोरियाची राजधानी असलेल्या सेऊलमध्ये चक्क कोरियन तरुणींनी नऊवारी साडी नेसून लावणी सादर केली आहे. त्याचा व्हिडीओ सध्या सोशल मीडियावर व्हायरल होत आहे.
     

मला लागली कुणाची उचकी..’ या गाण्यावर कोरियन तरुणींनी लावणी सादर केली आहे. सेऊलमधील एका ऐतिहासिक राजमहालात हा व्हिडीओ शूट करण्यात आला आहे. कोरियन तरुणींना अप्रतिम लावणी सादर करताना पाहून नेटकऱ्यांनी त्यावर कौतुकाचा वर्षाव केला आहे.