बातम्या

संत नामदेव महाराज समाधी महोत्सवानिमित्त आंतरशालेय स्पर्धांचे आयोजन

By nisha patil - 8/21/2023 4:39:47 PM
Share This News:

इचलकरंजी/प्रतिनिधी - श्री संत शिरोमणी नामदेव महाराज यांच्या 673 व्या समाधी महोत्सवानिमित्त इचलकरंजी व परिसरातील आंतरशालेय स्पर्धांचे आयोजन करण्यात आले आहे. 3 सप्टेंबरपासून सुरु होणार्‍या या स्पर्धांचे 33 वे वर्ष आहे.
 

श्री नामदेव महाराजांच्या समाधी महोत्सवनिमित्त प्रतिवर्षी श्री नामदेव समाज सेवा मंडळ व श्री संत नामदेव युवक संघटना यांच्यावतीने आंतरशालेय स्पर्धांचे आयोजन करण्यात आले आहे. विद्यार्थ्यांच्या बौध्दिक कलागुणांना वाव देण्यासाठी या स्पर्धा घेण्याचे नियोजन करण्यात आले आहे. रविवार 3 सप्टेंबर रोजी स्पर्धांचा उद्घाटन समारंभ होऊन इयत्ता पहिली ते दहावी पर्यंतच्या सहा गटात चित्रकला स्पर्धा होणार आहे. सोमवार 4 सप्टेंबर रोजी इयत्ता 5 वी ते 10 या दोन गटातील सामान्यज्ञान स्पर्धा तसेच इयत्ता 3 री ते 10 या तीन गटातील निबंध स्पर्धा आणि इयत्ता 5 वी ते 10 या दोन गटातील बुध्दिबळ स्पर्धा होणार आहे. मंगळवार 5 सप्टेंबर रोजी इयत्ता पाचवी ते सातवी आणि आठवी ते दहावी या दोन गटातील वक्तृत्व स्पर्धा होईल. बुधवार 6 सप्टेंबर रोजी बालवाडी ते इयत्ता चौथी पर्यंतच्या गटातील पाठांतर स्पर्धा होईल. शुक्रवार सप्टेंबर 8 सप्टेंबर रोजी इयत्ता पाचवी ते दहावी या दोन गटातील गायन स्पर्धा आणि शनिवार 9 सप्टेंबर रोजी इयत्ता पाचवी ते दहावी या दोन गटातील वेशभूषा स्पर्धा होणार आहे.
सदरच्या सर्व स्पर्धा या दाते मळा येथील श्री संत नामदेव भवन याठिकाणी संपन्न होणार असून इचलकरंजी व परिसरातील शाळांनी स्पर्धांसाठी व अधिक माहितीसाठी संत नामदेव भवन 7175587170 या क्रमांकावर संपर्क साधावा, असे आवाहन श्री नामदेव समाज सेवा मंडळाचे अध्यक्ष राजन उरुणकर आणि युवक अध्यक्ष संदीप कल्याणकर यांनी केले आहे.