बातम्या

कोल्हापुरात अल्पवयीन मुलाने हवेत केले 30 राऊंड फायर!

By nisha patil - 4/2/2025 4:23:25 PM
Share This News:

कोल्हापुरात एका निवृत्त पोलिस अधिकाऱ्याच्या घरातील रिव्हॉल्वर चोरी करून अल्पवयीन मुलाने माळरानावर 30 राऊंड फायर केल्याची धक्कादायक घटना उघडकीस आली आहे. मुलाने खेळण्याच्या बंदुकीप्रमाणे गोळीबार केला आणि नंतर रिव्हॉल्वर तिथेच टाकून घरी परतला. पोलिसांनी मुलाची चौकशी केली असता त्याने चोरीची कबुली दिली.

चोरीला गेलेली रिव्हॉल्वर सापडत नसल्याने निवृत्त अधिकाऱ्याने पोलिसांत तक्रार दिली होती. तपासात महिलेचा मुलगा संशयित असल्याचे समोर आले. चौकशीत मुलाने चोरी कबूल केली आणि माळरानावर 30 राऊंड फायर केल्याची माहिती दिली. पोलिसांनी घटनास्थळी जाऊन रिव्हॉल्वर जप्त केली असून, पुढील तपास सुरू आहे.