विशेष बातम्या

नकली मेहंदी पासून सावधान...

By nisha patil - 2/21/2025 5:53:59 PM
Share This News:

नकली मेहंदी पासून सावधान...

त्वचेस ठरू शकते  हानिकारक..

लग्नसराई, सण-समारंभ, पारंपरिक पूजा आणि उत्सव यामध्ये मेहंदीला विशेष महत्त्व आहे. सौंदर्य आणि परंपरेचा सुंदर संगम असलेल्या मेहंदीशिवाय कोणताही सण अपूर्ण वाटतो. मात्र, सध्या बाजारात नकली आणि रासायनिक मिश्रणयुक्त मेहंदी मोठ्या प्रमाणावर उपलब्ध होत आहे, ज्याचा आरोग्यावर गंभीर परिणाम होऊ शकतो.
 

नैसर्गिक मेहंदी ही हिरवटसर आणि हलक्याशा सुवासाची असते. मात्र, बाजारात आढळणारी काही गडद काळसर किंवा तांबूस रंगाची मेहंदी ही प्रामुख्याने केमिकलयुक्त आणि आरोग्यास घातक असते. यामध्ये PPD (पॅरा-फिनायलिन डायमिन), अमोनिया आणि इतर रसायने मिसळली जातात, ज्यामुळे त्वचेला गंभीर त्रास होऊ शकतो.