बातम्या

भारतरत्न डॉ. बाबासाहेब आंबेडकर यांच्या संविधानाचे गौरव – चंद्रकांतदादा पाटील

By nisha patil - 1/27/2025 9:44:54 PM
Share This News:

भारतरत्न डॉ. बाबासाहेब आंबेडकर यांच्या संविधानाचे गौरव – चंद्रकांतदादा पाटील

कोल्हापूर, २७ जानेवारी: भारतीय जनता पार्टीच्या वतीने २६ जानेवारी २०२५ रोजी प्रजासत्ताक दिनाच्या औचित्याने 'संविधान गौरव अभियान' अंतर्गत व्याख्यान आयोजित करण्यात आले. या कार्यक्रमाला मंत्री चंद्रकांतदादा पाटील, आमदार अमित गोरखे, खासदार धनंजय महाडिक, आणि आमदार राहुल आवाडे यांची प्रमुख उपस्थिती होती.

कार्यक्रमाची सुरुवात महापुरुषांना वंदन करून, संविधान उद्देशिकेचे वाचन करण्यात आली. मंत्री चंद्रकांतदादा पाटील यांनी संविधानाचे महत्त्व सांगताना डॉ. बाबासाहेब आंबेडकर यांनी लिहिलेल्या घटनेवरच देश चालत असल्याचे सांगितले. त्यांनी संविधानाच्या गौरवाबाबत भाजपाच्या वतीने राबवलेल्या अभियानाचा उल्लेख केला आणि डॉ. आंबेडकरांचे जीवन कार्य प्रेरणादायक असल्याचे सांगितले.

आमदार अमित गोरखे यांनी काँग्रेसने बाबासाहेब आंबेडकरांचे अपमान केले असल्याची टीका केली, तर चंद्रकांतदादा पाटील यांनी संविधानाच्या बदलांवर आणि भाजपाच्या योगदानावर जोर दिला.

यावेळी भाजपा कोल्हापूरने चित्रकला स्पर्धेचे आयोजन केले होते, ज्यात विजेत्यांना बक्षिसे वितरित केली गेली.

कार्यक्रमाचे सूत्रसंचालन डॉ. सदानंद राजवर्धन आणि आभार अनिल कामत यांनी व्यक्त केले.