बातम्या
चाय पे चर्चा, राहुल आवाडे यांनी नागरिकांशी साधला थेट संवाद
By nisha patil - 10/26/2024 3:28:33 PM
Share This News:
इचलकरंजी येथील मोठे तळे परिसरात महायुतीचे अधिकृत उमेदवार मा.श्री. राहुल प्रकाश आवाडे यांनी "चाय पे चर्चा" या उपक्रमाद्वारे नागरिकांशी थेट संवाद साधला. या चर्चेत नागरिकांच्या समस्या, अपेक्षा आणि भावना जाणून घेण्याचा प्रामाणिक प्रयत्न करण्यात आला.
या संवादातून राहुल आवाडे यांना अनेक नवीन दृष्टिकोन प्राप्त झाले. समाजाच्या गरजा आणि समस्यांच्या सोडवणुकीसाठी प्रभावी उपाय शोधण्याची प्रेरणा मिळाली. "आपल्या सूचनांमुळे आम्हाला पुढील कामांना दिशा मिळाली आहे, आणि आपल्या विश्वासाने आम्हाला नवी ऊर्जा मिळते," असे आवाडे यांनी नागरिकांना आश्वासन दिले.
चर्चेत नागरिकांनी आतापर्यंत झालेल्या विकासकामांची स्तुती केली तसेच पुढील प्रकल्पांसाठी काही सूचना दिल्या. यावेळी परिसरातील प्रमुख पदाधिकारी, ज्येष्ठ नागरिक आणि युवक मोठ्या संख्येने उपस्थित होते, ज्यांनी या संवादाचे स्वागत केले.
चाय पे चर्चा, राहुल आवाडे यांनी नागरिकांशी साधला थेट संवाद
|