बातम्या

मुख्यमंत्र्यांनी घेतला फ्लॅगशीप योजनांचा आढावा: प्रधानमंत्री आवास योजना आणि जलजीवन मिशनला गती देण्याचे निर्देश

By nisha patil - 3/2/2025 8:47:49 PM
Share This News:

मुख्यमंत्र्यांनी घेतला फ्लॅगशीप योजनांचा आढावा: प्रधानमंत्री आवास योजना आणि जलजीवन मिशनला गती देण्याचे निर्देश

मुंबई, दि. ३ – मुख्यमंत्री देवेंद्र फडणवीस यांनी आज केंद्र आणि राज्य शासनाच्या सामाजिक क्षेत्रातील फ्लॅगशिप योजनांचा आढावा घेतला आणि त्या कार्यांची गती वाढवण्याचे निर्देश दिले. यामध्ये प्रधानमंत्री आवास योजना, जलजीवन मिशन, आणि आयुष्मान कार्ड वितरण यासारख्या योजनांचा समावेश आहे.

मुख्यमंत्री फडणवीस यांनी सांगितले की, प्रधानमंत्री आवास योजना अंतर्गत महाराष्ट्रात १६.८१ लाख घरकुलांना मंजुरी दिली आहे, आणि उर्वरित लाभार्थ्यांना तातडीने जमीन उपलब्ध करून देण्याचे निर्देश जिल्हाधिकाऱ्यांना दिले आहेत. तसेच, घरकुलांसाठी लागणारी वाळू, वीटा आणि सिमेंट एकाच ठिकाणी मिळावेत, यासाठी घरकुल मार्ट संकल्पना राबविण्याचे निर्देश दिले.

आयुष्मान भारत आणि महात्मा ज्योतिराव फुले जन आरोग्य योजनांसाठी आयुष्मान कार्ड वितरणाला गती देण्याचेही निर्देश मुख्यमंत्री फडणवीस यांनी दिले. तंत्रज्ञानाच्या सहाय्याने वितरण प्रक्रियेतील अडचणी दूर करण्याचे काम करण्यात येईल.

जलजीवन मिशनच्या कामांनाही गती देण्याची आवश्यकता आहे. मुख्यमंत्री फडणवीस यांनी सांगितले की, पाणी गुणवत्ता चाचणी नियमितपणे केली जावी आणि सोलारायझेशनद्वारे वीज बिलात बचत होईल.

मुख्यमंत्री फडणवीस यांचे निर्देश विविध विभागांच्या सहकार्याने योजनांच्या अंमलबजावणीला गती देण्यात येईल.