बातम्या

दत्ता गाडे की त्याचा प्रतिरूप?"

By nisha patil - 1/3/2025 2:07:43 PM
Share This News:

दत्ता गाडे की त्याचा प्रतिरूप?"

 "प्रतिमेच्या फसवणुकीचा गोंधळ: 
 

स्वारगेटच्या शिवशाही बसमधील अमानुष घटनेनंतर पोलिसांच्या तपासाची दिशा एकदमच थरारक वळण घेताना दिसली. आरोपी दत्तात्रय गाडेचा शोध सुरू असताना, पोलिसांच्या हाती आलेला तरुण पाहून सुटकेचा निःश्वास घेतला गेला. पण... पुढच्या काही मिनिटांतच हा आनंद विरघळला.

गुनाट गावात पोलीस धडकले, आरोपीचा फोटो समोर ठेवून शोधमोहीम सुरू झाली. आणि एका तरुणाला पाहताच पोलिसांना वाटलं, "सापडला...!" पण खरी गंमत पुढेच होती. त्या तरुणाने शांतपणे उत्तर दिलं, "अहो साहेब, मी तो नव्हेच...!"

क्षणभर पोलिसांचे डोळे विस्फारले, कानांवर विश्वास बसला नाही. कारण दत्ता आणि त्याचा भाऊ दिसायला अगदी जुळे! ज्याला धरलं तो फक्त सावली, खरी व्यक्तिरेखा अजूनही अंधारातच होती.

दरम्यान, शोध सुरूच होता. पोलिसांच्या हालचालींवर नजर ठेवत आरोपी दत्तात्रय गाडे जंगलाच्या दिशेने पसार झाला होता. पण भूक-पाणी कुणालाही माणूस बनवते. तहान-भूक लागल्यानंतर तो नातेवाईकांकडे पोहोचला, आणि इथेच पोलिसांनी खात्री केली—या खेळातील खरा "दत्ता" कोण आहे!

अखेर, एका बेबी कॅनॉलमध्ये झोपलेल्या अवस्थेत तो सापडला. एक मोठी शोधमोहीम पूर्ण झाली, पण त्याआधी एका चेहऱ्याने पोलिसांची मोठी फसवणूक केली होती. एका चेहऱ्याच्या दोन छायांनी तपासाची दिशा ढवळून काढली होती!