बातम्या

गोवा बनावटीचा मद्यसाठा पकडला.

By nisha patil - 2/19/2025 7:31:36 PM
Share This News:

गोवा बनावटीचा मद्यसाठा पकडला.

अकरा लाख 43 हजारांचा मुद्देमाल जप्त

राधानगरी परिसरात राज्य उत्पादन शुल्क गडहिंग्लज विभागाच्या पथकाने गोवा बनावटीचा अवैध मद्यसाठा पकडलाय. याप्रकरणी धाराशिव येथील एकास अटक करण्यात आलीय.

राज्य उत्पादन शुल्क विभागाच्या अधीक्षक स्नेहल नरवणे यांना गोवा बनावटीची दारुची वाहतूक टेम्पोतुन फोंडा घाट मार्गे होणार असल्याची माहिती मिळाली होती.त्यानुसार या पथकाने सोमवारी रात्री  राधानगरी रोडवर सापळा रचला.रात्री साडेअकराच्या सुमारास फोंडा घाटातून राधानगरीकडे येणारा टेम्पो अडविला.गाडीची झडती घेतली असता त्यात गोवा बनावटीची दारुचे विविध कंपन्यांचे काही बॉक्स आढ़ळले.या प्रकरणी धाराशिव येथील टेम्पो चालक विठ्ठल सुभाष कुटे याला अटल करून त्याच्याकडून सुमारे अकरा लाख 43 हजार रुपयांचा मुद्देमाल जप्त करण्यात आलाय.

ही कारवाई निरीक्षक संजय शिलेवंत,दुय्यम निरीक्षक सत्यवान भगत आणि संदिप जाधव,सहा.दुय्यम निरीक्षक प्रदिप गुरव ,जवान देवेंद्र पाटील,आशिष पोवार ,सुशांत पाटील,आदर्श धुमाळ पंकज खानविलकर यांनी केली असून या गुन्हयांचा पुढ़ील तपास दुय्यम  निरीक्षक सत्यवान भगत करीत आहेत.