बातम्या
कोल्हापूर उत्तरची जागा काँग्रेसलाच जाणार...
By nisha patil - 10/21/2024 3:58:18 PM
Share This News:
कोल्हापूर उत्तर विधानसभा मतदारसंघातील उमेदवारीसाठी महायुती आणि महाविकास आघाडीत मोठी चर्चा सुरु आहे. महाविकास आघाडीकडून ही जागा काँग्रेसला जाणार असल्याची जवळपास खात्री आहे. मात्र, काँग्रेसने अद्याप उमेदवार ठरवला नाही, कारण महायुतीचा उमेदवार कोण असेल यावर त्यांचा निर्णय अवलंबून आहे. काँग्रेसकडे सध्या प्रबळ उमेदवारांची वानवा असल्याने, विरोधकांचा उमेदवार जाहीर झाल्यावरच काँग्रेस आपला उमेदवार घोषित करेल.
महायुतीत कोल्हापूर उत्तरची जागा कोणाच्या वाट्याला जाईल, याविषयी मोठी उत्सुकता आहे. शिंदे गटाने या मतदारसंघावर आपला दावा सांगितला असला तरी, दिल्लीत काही दिवसांपूर्वी केंद्रीय मंत्री अमित शहा यांच्या उपस्थितीत झालेल्या बैठकीत हा मतदारसंघ भाजपकडे जाणार असल्याची चर्चा आहे. यामुळे महायुतीत आतापर्यंत अंतिम निर्णय झालेला नाही, परंतु भाजपची दावेदारी अधिक बलवान मानली जात आहे.
कोल्हापूर उत्तरची जागा काँग्रेसलाच जाणार...
|