बातम्या

कोल्हापूर उत्तरमध्ये कृष्णराज महाडिक यांना उमेदवारी...

By nisha patil - 10/25/2024 3:08:15 PM
Share This News:

कोल्हापूर उत्तर विधानसभा मतदारसंघातील महायुतीच्या उमेदवारीसाठी चुरस सुरू असताना मोठी बातमी समोर आली आहे. काल रात्री उशिरा, खासदार धनंजय महाडिक यांनी वर्षा बंगल्यावर मुख्यमंत्री एकनाथ शिंदे यांची भेट घेतली. या भेटीत त्यांनी आपल्या मुलगा कृष्णराज महाडिक यांना कोल्हापूर उत्तरमधून उमेदवारी देण्यावर चर्चा केल्याचे समजते. या चर्चेत आता मुख्यमंत्री शिंदे आणि धनंजय महाडिक यांच्यात एकमत झाले असून, कृष्णराज महाडिक यांची उमेदवारी निश्चित झाल्याची जोरदार चर्चा सुरू आहे.

यामुळे आता महायुतीकडून कृष्णराज महाडिक हे कोल्हापूर उत्तर विधानसभा मतदारसंघाचे उमेदवार म्हणून समोर येण्याची शक्यता आहे. तर, माजी आमदार राजेश क्षीरसागर यांना उमेदवारी न मिळाल्यामुळे त्यांची भूमिका काय असेल, याकडे सर्वांचे लक्ष लागले आहे. राजेश क्षीरसागर हे शिंदे गटाचे प्रबळ उमेदवार मानले जात होते आणि त्यांनी मतदारसंघात अनेक वर्षे सक्रिय काम केले आहे. त्यामुळे त्यांच्या समर्थकांमध्ये नाराजीचे वातावरण पसरले आहे.

कृष्णराज महाडिक यांची उमेदवारी निश्चित झाल्यास, हा निर्णय मतदारसंघाच्या राजकीय समीकरणांवर मोठा परिणाम करणार आहे.