बातम्या

कोल्हापूर स्पोर्ट्स क्लबच्या वतीने लोहपुरुष ट्रायथलॉन, डूएथलॉन स्पर्धा यशस्वीरित्या संपन्न

By nisha patil - 9/22/2024 8:25:42 PM
Share This News:

कोल्हापूर/प्रतिनिधी: कोल्हापूर ही क्रिडानगरी म्हणून ओळखली जाते, आणि या ओळखीला साजेशी लोहपुरुष ट्रायथलॉन आणि डूएथलॉन स्पर्धा, कोल्हापूर स्पोर्ट्स क्लबच्या वतीने राजाराम तलाव येथे संपन्न झाली. या स्पर्धेत देश-विदेशातील ५०० हून अधिक स्पर्धकांनी सहभाग नोंदवला. जिल्हाधिकारी अमोल येडगे आणि दक्षिणचे आमदार ऋतुराज पाटील यांच्या हस्ते सकाळी ६ वाजता स्पर्धेचे उद्घाटन झाले.

जिल्हाधिकारी येडगे यांनी या स्पर्धेत स्प्रिंट डूएथलॉनमध्ये सहभाग घेतला आणि आरोग्यासाठी स्विमिंग, सायकलिंग आणि रनिंग यांचे महत्त्व अधोरेखित केले. स्पर्धेच्या यशस्वी आयोजनासाठी कोल्हापूर स्पोर्ट्स क्लब आणि रग्गेडियनच्या सहकार्याने स्पर्धकांना T-shirt, मेडल, प्रमाणपत्र, बॅग आदी सुविधा दिल्या गेल्या.

स्पर्धेत सहभागी विजेत्यांची नावे जाहीर करण्यात आली, ज्यात अनेक गटांमध्ये विजेते ठरलेले खेळाडू कौतुकास पात्र ठरले.