राजकीय

ऋतुराज पाटील यांनी बजावला मतदानाचा हक्क;

By Administrator - 11/20/2024 4:20:59 PM
Share This News:

ऋतुराज पाटील यांनी बजावला मतदानाचा हक्क; 

महाराष्ट्राच्या उज्ज्वल भवितव्यासाठी मतदारांना मोठ्या प्रमाणावर मतदानाचे आवाहन

विधानसभा निवडणुकीच्या पार्श्वभूमीवर काँग्रेसचे युवा नेते आणि कोल्हापूर दक्षिण मतदारसंघाचे विद्यमान आमदार रुतुराज पाटील यांनी बुधवारी, 20 नोव्हेंबर रोजी आपल्या मतदानाचा हक्क बजावला. संविधानाच्या सन्मानासाठी आणि लोकशाही अधिक सक्षम करण्यासाठी प्रत्येक मतदाराने आपला हक्क बजावला पाहिजे, असे सांगत त्यांनी कोल्हापूरकरांना मोठ्या प्रमाणावर मतदान करण्याचे आवाहन केले.

मतदानानंतर माध्यमांशी संवाद साधताना रुतुराज पाटील म्हणाले, “महाराष्ट्राच्या उज्ज्वल भवितव्यासाठी आणि लोकशाही मजबूत करण्यासाठी मी आज मतदानाचा पवित्र हक्क बजावला आहे. गेल्या महिनाभरापासून कोल्हापूर दक्षिण मतदारसंघातील जनतेने मला प्रचंड पाठिंबा दिला, जोशाने स्वागत केले, आणि आशीर्वाद दिला आहे. त्यांच्या या विश्वासामुळे मला विजयाबाबत पूर्ण आत्मविश्वास आहे.