बातम्या

संजय वास्कर यांचा सतेज पाटील गटाला धक्का; अमल महाडिक यांना पाठिंबा जाहीर

By nisha patil - 1/11/2024 9:54:43 PM
Share This News:

संजय वास्कर यांचा सतेज पाटील गटाला धक्का; अमल महाडिक यांना पाठिंबा जाहीर

कोल्हापूर: सतेज पाटील गटाचे खंदे समर्थक संजय वास्कर यांनी आज भाजप उमेदवार अमल महाडिक यांना पाठिंबा जाहीर केला आहे. वास्कर यांच्या सोबत मोरेवाडी, पाचगाव, कंदलगाव या भागातील चार ग्रामपंचायत सदस्यांनी काँग्रेसला सोडचिठ्ठी दिली असून, या निर्णयामुळे सतेज पाटील गटाला मोठा धक्का बसला आहे.

काँग्रेसमध्ये असंतोष, भाजपसाठी अनुकूल वातावरण

आमदार ऋतुराज पाटील यांच्या निष्क्रियतेला कंटाळून वास्कर आणि त्यांच्या समर्थकांनी हा निर्णय घेतल्याचं सांगितलं जात आहे. मोरेवाडीच्या माजी सरपंच मनिषा वास्कर यांच्यासह इतर ग्रामपंचायत सदस्यांनी अमल महाडिक यांच्या विजयासाठी काम करण्याची तयारी दर्शवली आहे. या पाठिंब्यामुळे कोल्हापूर दक्षिणमध्ये भाजपला बळ मिळण्याची अपेक्षा आहे.

खासदार धनंजय महाडिक यांचा काँग्रेसवर निशाणा

यावेळी खासदार धनंजय महाडिक यांनी वास्कर दांपत्याचे भाजपमध्ये स्वागत केले आणि सतेज पाटील यांच्या राजकारणावर जोरदार टीका केली. त्यांनी सांगितलं की, "सतेज पाटील यांच्या नेतृत्वावर काँग्रेस कार्यकर्त्यांमध्ये असंतोष आहे आणि त्यामुळे काँग्रेसचे २६ नगरसेवकांनी थेट विरोध दर्शवला आहे." काँग्रेसच्या आमदार जयश्री जाधव यांनीही सतेज पाटील यांच्यापासून फारकत घेतल्याचे त्यांनी स्पष्ट केले.

भाजप कार्यकर्त्यांचा उत्साह

यावेळी माजी नगरसेवक विलास वास्कर, महेश पाटील, अमर कारंडे, सुरज नाईक, सायली काटे, अनिल मोरे, योगेश कटके, संग्रामसिंह निकम यांच्यासह अनेक कार्यकर्ते उपस्थित होते.